الان| كلمات أغنية أحمد مكي الجديدة “أغلى من الياقوت” والتي تخطت حاجز المليون مشاهدة منذ اطلاقها

وبعد أن عاد الفنان أحمد مكي العام الماضي 2017م بفيديو كليب حمل عنوان“وقفة ناصية زمان” والذي تعدت مشاهداته في اليوم الأول من اطلاقه حاجز المليون مشاهدة، وقد تخطت نسبة مشاهداته مع اقتراب مرور عام على إطلاقة حاجز الـ25 مليون مشاهدة ولاقى انتشاراً واسعاً، وها هو مكي يعود من جديد بفيديو كليب أكثر من رائع يحمل إسم “أغلى من الياقوت” يُثبت فيها لكل الساحة الفنية على موهبته الفذه وتفوقه مع مرور الوقت على نفسه أولاً وعلى أقرانه في الوسط الفني ثانيًا، وقد أطلق مكي الكليب على قناتة الرسمية الخاصة به على موقع يوتيوب يوم الثلاثاء الموافق 18 من شهر سبتمبر لعام 2018م وقد حقق نسبة مشاهدة اقتربت من المليون مشاهدة خلال أول عشر ساعات فقط من اطلاقه على اليوتيوب، وأغنية “أغلى من الياقوت” من كلمات وتأليف واخراج الفنان أحمد مكي، وألحان وتوزيع الموسيقار شادى السعيد وقد تم تصوير مشاهد الكليب الرائعة في محافظة الفيوم ابرازاً لمدى جمال المناظر الطبيعية الخلابة التي تحتويها، فقد تم تصوير بعض المشاهد في صحراء الفيوم وأخرى في بحيرة قارون.

اغلي-من-الياقوت

والجدير بالذكر بأن مكي قد عاني العام الماضي من مرض شديد قد أصاب الكبد والطحال، مما أدى إلى فقدانه الكثير من وزنه وجعله غير قادر على الحراك ونائم معظم الوقت، وقد اضطره مرضه أيضًا من الابتعاد عن الساحة الفنية فترة طويلة، لبث خلالها في المستشفيات للتعافي وتلقي العلاج، وبعد أن تماثل للشفاء بسبب عزيمته وعدم إستسلامه للمرض، إستعاد مكي صحته وكامل لياقته الجسدية وعاد من جديد بقوة للساحة الفنية من خلال كليبه “وقفة ناصية زمان”.

كلمات أغنية مكي الجديدة “أغلى من الياقوت” 

يوم ميلادك يوم ما للدنيا إنت جيت أول علاقتي بيك صوتك ما بيني وبينك حيط
سمعت صوتك إستغربت إتلخبطت إتشديت قلبى إتنفض ما بين ضلوعي وم الفرحة بكيت
أول ما شفتك الدنيا لفت بيا، ربى حبنى ووهب ليا من عنده هدية
سرحت فيك ساعات فيك منى كتير حاجات، يا رب تاخد مني بس الحلو في الصفات
وفي وسط زحمة فرحتى فجأة هجم سكات مخلوط صور أبيض في أسود من إلى عشته ومن إلى فات
يمكن عشان الضلمة في طفولتي كانت أكتر من نور، عيل صغير قال بسم الله وقام يعدي في بجور
مش شايف شط أو ميناء لآخر البصر مافيش أمل كان نفسي في حد يعلمني وينصحني ويبقالي المثل
ربك حماني وإتولاني برحمته مافيش جدل بعد ما كل سكة إتسدت وإسودت والباب قفل
يا رب يا كريم إهديني وقويني ووفقني لسكة تربيته على الشىء السليم
عارف إني مش مثالي بس طمعان في كرمك تخلى حاله أحسن من حالي
وانا أوعدك يا رب هحاول أبقى أحسن أب وأديه إلى ما شفته في نهر طفولتى إلى نضب
كل يوم بيعدى وأشوفك فيه بتكبر بتفاجىء إن صفاتى بتظهر فيك أكتر وأكتر
إبتسامتى وضحكتي والمشي وحتى تكشيرتي حتى نومتك رجل فوق رجل دى نسخة من نومتي
قبل وجودك الدنيا ماكنتش فارقة معايا، قلبى ده كان خلاص قلب حجر دى مش كناية
جلدي تخن من قسوة الدنيا ومُر الحكاية بقيت زعلان على الشخص إلى شايفه في المراية
لحد ما إنت جيت غيرتني وكنت الهداية، فتحت بإيدك كل أبواب الرحمة جوايا
لما بحضنك وأحس دقة قلبى جنب قلبك مية في المية ما حبتش في الدنيا قبلك
لما بحضر أول مرة ليك في أى حاجة قلبي بيرفرف وأحس بألف حاجة وحاجة
إحساس غريب جزأ مني إتحول إنسان بيزعل وبيفرح وبيزرع جوايا الحنان خايف عليك من الدنيا يا إبني مالهاش أمان
وبدعي ربنا يحميك ويصونك هو الرحمن كتبت رسالة ليك عشان لو قدري وقته حان ومش مكتوب ليا أكون جنبك لآخر الإمتحان
عاوزك تكون صاحب عزيمة فولاذ حديد مهما الدنيا تحبطك صمم خليك عنيد خليك واثق في نفسك عن حلمك إياك تحيد
مهما إسود الليل وطال هيطلع فجر جديد، عاوزك لربك شاكر وجهد الناس تقدر وإوعى تظلم مهما كنت قادر ربك أقدر
إوعى تفضح عيب إنسان لو ربك ستر، كما تدين تدان ما تضمنشى القدر لو قلت كلمة حق والناس قامت عليك كأنهم قالولك مبروك تسلم إيديك
عشان الكلب الميت ضربه مش مطلوب لكن لو كان شجر مثمر بيتحدف بالطوب لو يوم ذنوبك تقلت إرجع لربك توب
ربك لو حبك هيحبب فيك كل القلوب ساعات بسرح وبسأل نفسى والدماغ تفكر يا ترى حتبقى فعلا ضهري لما أكبر
لما العجز يبدأ ينهش فيا ويجور عليا في عز إحساسى بضعفي هيكون قلبك عليا
لما اللسان يتقل والكلام يصبح بطىء وأعيد نفس الكلام أكتر من مرة، أرجوك تطيق يا ما طلبت منى أعيد حكى الحدوتة كتير
وفي كل مرة أعيدلك قلبى كان بيطير، لما تلاقيني قدمت ومش مواكب عقل جيلك ما تركنيش لجهلي علمني من غير ما أجيلك
خليك عنيا نورلي طريفي لمنتهاه وإفتكر إني من علمك معنى الحياة
لما أبطّل أمشى لوحدي خطوتين لما أكون أضعف إنى أشرب من غير مُعين لما تموت الذاكرة وبالعافية أعرف إنت مين
وجودك جنبي كفاية لحد ما يجيلى اليقين
كلمتين هقولهم عندي “أغلى من الياقوت” كنت معاك يوم ولادتك عايزك جنبي يوم ما أموت.

وسيوافيكم موقعكم “نجوم مصرية” بكل جديد يتعلق بالفنان أحمد مكي، فتابعونا باستمرار.