طرحت المطربة دينا الوديدي أغنية جديدة بعنوان جرب ياللي معدي من ألحانها، وتوزيع حسين جمال، كلمات نبيل عبد الحميد وهندسة صوت ومكسياج وماستر جورج يعقوب، على حسابها الشخصى على موقع “يوتيوب”.
كلمات الأغنية
جرب ياللي معدي:
ماشي في زحام والخلق من حواليك
سارح في حلم لسه محققتوش
عدت حاجات ملمحتهاش بعنيك
فاتك كتير من الحلو مشفتهوش
جرب يالي معدي جنب الحاجة الحلوة تهدي
وسيب الدنيا تجيب وتودي
وفتح عينك وانت تشوف
طب جرب يالي معدي جنب الحاجة الحلوة تهدي
وسيب الدنيا تجيب وتودي
وفتح عينك وانت تشوف
فتح عينك وانت تشوف
قرب وارميلي بياضك وهتسمع مني القول
قدامك سكة طويلة لكن في اخرها وصول
نشن على بكرة وحاول تصطاد منه الاحلام
كل ما هتصيب في الأول كل ماتكسب قدام
طب جرب يالي معدي جنب الحاجة الحلوة تهدي
وسيب الدنيا تجيب وتودي
وفتح عينك وانت تشوف
فتح عينك وانت تشوف
حلمك زي المرجيحة وعليك ان انت تسوق
من غير القوة وعزمك عمرها ما هتعلى لفوق
الدنيا عروسة حلمها فارس وحصان
تخطفها وراك واتحرك حلمك يظهر ويبان
طب جرب يالي معدي جنب الحاجة الحلوة تهدي
وسيب الدنيا تجيب وتودي
وفتح عينك وانت تشوف
فتح عينك وانت تشوف
