“بعد انتقادها بسبب إنكارها لـ يوم القيامة”.. شمس الكويتية: «أنا درست جميع الأديان وربنا هيحاسبني لو مقلتش كلمة حق»
قامت الفنانة الجميلة شمس الكويتية، بالرد على منتقديها بخصوص تصريحاتها في الدين وإنكارها ليوم القيامة، وأشارت الفنانة بأنها قامت بدراسة الدين بجانب الطب، وأنها تتحدث فيما يخص دراستها.
وأكدت الكويتية، خلال تصريحات لها مع القاهرة 24:ـ “مينفعش خالص أتكلم في حاجة من غير ما أكون درستها أو بفهم فيها، وبجد أنا درست كتير وعملت دراسات أكتر، ومش بقول حاجة غير اللي بفهم فيها، وده علشان أنا درست جميع الأديان وعلم النفس والطب والسياسة، وبحاول على قد ما أقدر أفيد الناس، وده علشان ربنا هيحاسبني لو مقلتش كلمة حق”.
وواصلت الفنانة:ـ “والغريب إن مجتمعنا دايماً بيحصر المرأة في أدوار معينة، وبيقولها خليكي في المطبخ وبس، وعلى فكرة أنا ضد الكلام ده وبشوف إن المرأة ضروري تعمل اللي هى عاوزاه”.
ومن جانبها، فقد سبق وأثارت شمس الكويتية الكثير من الجدل، بعدما تحدثت عن المشاهير ويوم القيامة، وأكدت خلال تصريحات تليفزيونية:ـ “أكتر المشاهير يعيشون حياة زائفة ويعاشرون زيف، وكمان بينشروا قصص الحب والغراميات بتاعتهم على السوشيال ميديا، وده بيخلي الناس كلها عاوزة تعيش زيهم، ولكن أنا لما بشوفهم أو بسمع عنهم بقول يارب خدني من الكوكب ده، وده علشان أنا تعبت من اللي بسمعه وبشوفه”.
وتابعت الفنانة:ـ “أنا مؤمنة إن في حاجة اسمها يوم القيامة في الدنيا، وإن كل شئ بنعمله بيُرد لينا وإحنا عايشين في الدنيا مش في الآخرة، وحقيقي ده اعتقادي الخاص”.
وجديراً بالذكر، بأن الفنانة شمس الكويتية تعيش حالة من النشاط على المستوى الفني، بعد مشاركتها في السباق الدرامي الرمضاني للعام الحالي 2023، بمسلسل “سره الباتع”، وشارك الفنانة بطولة العمل مجموعة كبيرة من نجوم الفن أبرزهم “أحمد فهمي، وأحمد السعدني، وهالة صدقي، وحنان مطاوع، وأحمد عبدالعزيز، وحسين فهمي”، وغيرهم، والعمل مأخوذ عن قصة الأديب الراحل يوسف إدريس، وإخراج خالد يوسف.
