تحدثت أرملة المنتج الراحل وليد فطين، طليق المطربة الشعبية بوسي، عن كواليس وفاة زوجها.
أرملة وليد فطين: مات بسبب قهر وظلم بوسي.. وأخته نهشت في لحمه
حيث قالت في تصريحات صحفية أدلت بها منذ ساعات قليلة: “وليد اتظلم أشد ظلم.. أولاده اتحرموا منه وأنا اتحرمت منه وما نقدرش نعيش من غيره في الدنيا دي”.
وأضافت: “ولاده الأطفال اللي لسه ما يعرفوش حاجة شافوا أبوهم بيموت قدامهم بسبب قهر وظلم بوسي اللي حطت له مخدرات وسلاح في أوضة نومه عشان تقضي على مستقبله.. وأخته اللي نصبت عليه في 2 مليون جنيه وقالت له مالكش حاجة عندي واللي تعرف تعمله أعمله”.
وتابعت: “رفعنا قضية نصب على أخته وجوزها ومتأكدة إن ربنا مش هيسيب حقه من أخته اللي نهشت في لحمه وقالت له أنت كده كده ميت واللي عندك أعمله”.
وأكملت: “بوسي هي اللي عذبت وليد.. مش هو اللي كان بيضربها ويعذبها.. بالعكس أنا عمري ما شوفت منه غير كل خير.. وبدعي ربنا يجعل مثواه الجنة ع اللي عمله معايا”.. وآخر كلمة قالهالي أنا عايز حقي وحق ولادي وعايز أتفاوض مع المحامين بتوع بوسي”.
وواصلت: “جوز بوسي جه لوليد ومعاه رجالة وسلاح وهددوه.. وهو كان له 30 مليون جنيه اتفقنا إننا هناخد 8 مليون بس.. وبعدها سرقوا منه الشيكات تحت تهديد السلاح”.
