حل الفنان طارق الدسوقي، ضيفًا على الإعلامية ياسمين عز، في حلقة أمس السبت من برنامجها “كلام الناس” الذي يعرض عبر قناة “MBC مصر”.
طارق الدسوقي: أي خطبة بيقولها الشيخ في الجامع مش مؤثرة زي الدراما
وكشف طارق، خلال الحلقة عن أسباب اعتذاره عن عدم المشاركة في مسلسل “جعفر العمدة” للفنان محمد رمضان، والمقرر عرضه في شهر رمضان المقبل.
وقال طارق: “محمد رمضان ممثل شاطر.. ومحمد سامي مخرج شاطر.. والكاست كله كويس.. بس لما قريت المسلسل وقعدت مع محمد سامي واتكلمنا لقيت فيه اختلاف كبير في وجهات النظر”.
وأضاف طارق: “حسيت إن مش ده الدور اللي أرجع بيه للناس.. وكل واحد ليه وجهة نظره.. ووجهة نظر محمد سامي إن مش المهم إن إحنا نعمل الفن والدراما عشان نسلي الناس مرة نضحكهم نبكيهم.. المهم إزاي نسمرهم قدام الشاشة”.
وتابع طارق: “معنديش وسيلة لإعادة عقليات الناس ومنظومة القيم والأخلاق غير الدراما.. وأي خطبة بيقولها الشيخ في الجامع أو القس في الكنيسة مش مؤثرة زي الدراما أو زي المسلسل الدرامي اللي بيأثر على ملايين من الناس”.
