علقت المطربة سمية درويش، على تصريح سابق لها قالت فيه: “مش ممكن أتعرى زي هيفاء”، وذلك خلال لقاء تليفزيوني لها، حيث قالت ردًا على التصريح المنسوب لها: “أنا ما قولتش الجملة بالشكل ده.. ما قولتهاش صريحة كده لإن دي كلمة متخلفة”.
سمية درويش: ما ينفعش أنتقد العري وأنا طول عمري بلبس كده.. عيب أبقى متناقضة
وأضافت المطربة التي اشتهرت بغناء أغنية “قلب وراح” والتي شبهها الجمهور بالنجمة شيرين عبد الوهاب: “دلوقتي الموضوع مختلف تمامًا وطول عمري مختلف تمامًا.. يعني أكيد أنا ما قولتش كده لأن أنا بلبس كده.. كنت بلبس كده.. وطول عمري كنت بلبس براحتي جدًا وبحب الفساتين تكون قصيرة وبحب الاستايل ده”.
وتابعت: “معتقدش إني قولت كده لإن أنا بلبس قصير فعيب أبقى متناقضة جدًا طول عمري بلبس كده.. أنا في 2007 لابسة في (أنت حياتي) دريس مفتوح.. واتحجبت في 2015”.
