تصدر اسم الفنان شريف منير، قوائم التريند على مواقع التواصل الاجتماعي، ونتائج البحث عبر محرك البحث الشهير “جوجل” عقب نشر زوجته الفنانة المعتزلة لورا عماد، فيديو له برفقة ابنتيهما (فريدة، وكاميليا) بأحد المطاعم، وعلقت عليه تعليقًا أثار ضجة كبيرة.
القصة الكاملة لأزمة زوجة شريف منير مع ابنتيها فريدة وكاميليا
حيث كشفت لورا، عن وجود خلافات أسرية من خلال المنشور الذي قالت فيه: “رسالة إلى بناتي فريدة وكاميليا بما أنكم خلاص قررتوا تبقوا مش في حياتي بعد ما أدتكم عمري وصحتى وحبي واهتمامي وضحيت عشانكم كتير.. وكل مدارسكم بمدرسينكم بدكاترتكم باأصحابكم بأمهات أصحابكم يشهدوا بإن أنا كنت أم عاملة إزاي.. بقولكم مبروك عليكم عيلتكم الجديدة”.
وأضافت لورا: “وحقولكم حاجة واحدة بس.. اللي مالوش خير في أمه ملوش خير في حد”.
وتابعت لورا: “بتمنالكم كل خير وصحة وأن ربنا يهديكم في يوم من الأيام.. بس ربنا موجود وكبير قادر على اللي عمل فيكم كده أنه يرده ليه في يوم من الأيام.. مامي لورا يمكن تكونوا نسيتوا اسمي”.
وردت عليها ابنتها فريدة، قائلة: “ليه بتعملي كده؟ ليه بتخلي شكلنا كده قدام الناس؟”، لترد عليها والدتها: “أنتوا بتموتوني كل يوم وأنت عارفة كده كويس ربنا يهديكي صحيح الزن على الودان أمر من السحر”.
وردت عليها ابنتها كاميليا، أيضًا قائلة: “عمرنا ما بعدنا عندك وغير كده أنا كنت لسه قاعدة معاكي إمبارح مكنتش عارفة أنك بتفكري كده”، لترد عليها والدتها: “انتم عارفين كويس أوي اني بشحتكم وبتهربوا مني ربنا موجود ويهديكم من الزن اللي على ودانكم”.
الجدير بالذكر أن الفنان شريف منير، لم يظهر برفقة زوجته الفنانة المعتزلة لورا عماد، منذ فترة طويلة.
