كشفت الفنانة الجميلة شمس الكويتية، كواليس من حياتها الشخصية وتحدثت عن إمكانية زواجها، موضحة بأنها تُفضل الدراسة وترفض الزواج، كما تحدثت عن أغنيتها الجديدة “أنا عايزة بحر”، مشيرة بأن الأغنية نسائية.
وأكدت الفنانة، خلال تصريحات لها مع القاهرة 24:ـ “أنا مش بفكر دلوقتي في الجواز ولا المعجبين ولا أي حاجة من الحاجات دي خالص، وده علشان أنا مرتاحة مع نفسي وبقالي شهر في الساحل لوحدي، وحقيقي سعيدة ومرتاحة إني مع نفسي ومش عاوزه حد في حياتي، ومش بس كده ده أنا كمان مهتمة جداً بدراستي والجواز ممكن يأخرني كتير عن الدراسة”.
وتحدثت شمس أيضاً، عن أحدث أغانيها “أنا عايزة بحر” معلنة:ـ “الأغنية الجديدة بتاعتي نسائية، وده علشان كلماتها بتقول إن الست دايماً محتاجة للراحة من الأولاد والشغل والبيت، وبجد أنا مُقتنعة إن الست ضروري تاخد قرارتها بنفسها، ومتخليش حد يتحكم فيها مهما حصل”.
ومن جانبها، فقد سبق وقامت شمس الكويتية بالرد على منتقدي تصريحاتها في الدين وإنكارها لـ يوم القيامة، وأكدت خلال تصريحاتها مع القاهرة 24:ـ “أنا مش ممكن أتكلم في حاجة مش بفهم فيها، وأنا بتكلم في الدين لأنه من إختصاصي، وأنا درست الطب والسياسة وعلم النفس وجميع الأديان، وضروري أفيد الناس لأن ربنا هيحاسبني لو مقولتش الحق”.
وجديراً بالذكر، بأن الفنانة شمس الكويتية شاركت خلال الموسم الدرامي الرمضاني للعام الحالي 2023، بمسلسل “سره الباتع”، وحققت الفنانة الكثير من النجاح خلال العمل، وشاركها البطولة مجموعة كبيرة من نجوم الفن أبرزهم “أحمد فهمي، وأحمد السعدني، وهالة صدقي، ورانيا التومي، وعمرو عبدالجليل، وحنان مطاوع، وحسين فهمي، وأحمد عبدالعزيز”، وغيرهم الكثير، والعمل مأخوذ عن قصة الأديب الراحل يوسف إدريس وإخراج خالد يوسف.
