استضافت الإعلامية إيمان الحصري، في حلقة أمس الإثنين من برنامج “مساء dmc” الذي يعرض عبر قناة “dmc” الفنانة المعتزلة شهيرة، في لقاء مميز كشفت فيه الكثير من الأسرار عن حياتها الشخصية والفنية.
شهيرة: بعد وفاة جوزي صاحبت الوحدة عشان أقدر أتحملها.. ومعايا كلب بيونسني في البيت
حيث قالت: “كل حاجة اتغيرت بعد وفاة محمود ياسين.. اتعلمت حاجات كتير ونظرتي للحياة اتغيرت.. لما كان معايا كانت الدنيا كلها معايا”.
وأضافت: “عايشة لوحدي وحاسة دايمًا بالوحدة.. مع إن ولادي ساكنين قريب جدًا مني.. بس صاحبت الوحدة عشان أقدر أتحملها.. وعندي أصحاب يتعدوا على صوابع الإيد.. ومعايا كلب بقاله سنتين بيسمع الكلام وبيونسني في البيت”.
الجدير بالذكر أن الفنانة شهيرة، هي ممثلة مصرية معتزلة ولدت في 1 فبراير 1949، وعمرها حاليًا (74 سنة)، وأبرز أعمالها: “سنبل بعد المليون، وألف ليلة وليلة، والقاهرة والناس، وليل وخونة، والجلسة سرية، والرجل الذي عطس، وعصر الحب، ووضاع العمر يا ولدي”.
