تحدثت الإعلامية سارة نخلة، في أحدث حلقات برنامج “Face off” الذي يعرض عبر قناة “هي”، عن زواج كبار السن.
سارة نخلة: الجواز لكبار السن صحي.. ومش حوار علاقة حميمة مع إن الراجل والست ليهم احتياجات
حيث قالت: “النهارده فيه رسالة عايزين نوصلها للأطفال والشباب والرجالة والستات وكل حد عنده أب وأم.. الأب والأم فنوا حياتهم كلها عشانكم.. أنا عايزة أشرح لكم حاجة حصلت معايا عشان كده قولت إن أنا لازم أتكلم النهارده”.
وأضافت: “فيه ستات كتير أوي يا جماعة ورجالة.. بيوصلوا لسن معين وفي الآخر عيالهم بيتجوزوا وما بيبقاش مثلًا بيقدروا يشوفوهم غير في الإجازات لو فيه إجازة من الشهر للشهر وكلنا عارفين.. وفيه ستات كتيرة وصلت للستين والسبعين قاعدة لوحدها في البيت.. لو سألنا ابن الست دي ودي حالة حصلت إن ست كبيرة في السن وعايشة لوحدها.. عيالها الاتنين بره مصر بيجوا في الإجازات الرسمية وفي إجازة نص السنة.. فالست دي قاعدة لوحدها.. أيوه بيبعتولها فلوس أيوه بياخدوا بالهم من مصاريفها وكل حاجة مش محتاجة غير إن هي يبقى معاها ونس.. الست دي اتقدم لها حد.. هي واخدة بالها من نفسها وواخدة بالها من جسمها وكل حاجة.. ستين سنة ما تعتبرش حد كبير.. الست دي لما يجي حد يتقدم لها راجل محترم يتقدم لها عايز يتجوزها هل هنا الراجل معناه إن هو هيبقى زي ما الشباب والبنات بيفكروا إن هيبقى لأ أنا مامتي تتجوز؟! إزاي انتي تتجوزي بعد بابا.. انتي ازاي تبقي مع راجل غير بابا؟ انتي دلوقتي بعد ما كبرتي عايزة تتجوزي وكإنها هترتكب جريمة”.
وتابعت: “الحوار ده مهم جدًا يا جماعة فيه ستات كتير قاعدين في بيوتهم وقربوا بينهم وبين الزهايمر متر.. الزهايمر ده بياكل الذاكرة بتاع الناس الكبيرة في السن.. فين المشكلة لما الست الكبيرة تقرر إن هي تتجوز عشان الونس.. لما الست تفكر إن هي تتجوز ما بيبقاش تفكيرها زي تفكيركوا انتوا عشان العلاقة الحميمة.. مش ده الهدف.. الهدف هو الونس.. هي عايزة حد ياخد ويدي معاها في الكلام.. عايزة حد تحس إن فيه حد بيتنفس معاها في البيت لو حصلها حاجة.. وبرضه الراجل ليه ما يتجوزش؟”.
وأكملت: “هو مش حوار علاقة حميمة أو احتياجات.. هو آه الراجل له احتياجات والست ليها احتياجات.. بس أهم نقطة عايزة أقولها إن يا جماعة الستات والرجالة لما بيكبروا بيجيلهم زهايمر عشان مفيش حد بيتكلم معاهم.. انتوا عارفين لما تقعدوا مع حد وتراجعوا مع بعض الذكريات وتفتكروا كل حاجة هنا مش هيجرالكوا أضرار حقيقي الجواز في سن متأخر صحي.. إن إحنا نحافظ على نفسنا ونحافظ على الذاكرة بتاعتنا وناخد وندي مع حد ونس في البيت”.
انا مع كل ماقالت ساره نخله الا رفضها التبرع للغريمات وهي ردت علي نفسها ان هناك اولاد وبنات لايحضرن لزياره الام او الاب الا كل عام في المناسبات وغالبا في الاعياد وان حضرنا وهناك من ذهب بعيدا عنهم ولا يسأل فأذا وقعت ام تحت طائله القانون فهل نولي وجوهنا بعيدا عنها وكلنا نعلم مدي كم الحنان في الام لسعاده بنتاتها
فأذا وصلت الام لمرحله السجن فأي ثمن الذي يجعلها رهينه ظلمه سوداء قاسيه محطمه القلوب تجعلها تستطبع الدفع عن نفسها وتظل تحت رحمه من يساعدها لتخرج من ظلمتها …مساعده الغريمات فيه فضل ومنه وعمل يرضي الله .
دي قضية ناقشتها في روايتي ماذا بعد قضية شائكة تحارب ثقافة مجتمع مريض يحتاج علاج
صفحتي الأدبية أدبيات عادل عرفه
إنها جريمة ترتكبها ويرتكبها المسنين في حق أنفسهم والاستسلام لفكرة العيب أن يتزوج أو تتزوج المسن هى من تشريعات الرهبنة التى تصدرت لمجتماعتنا والرسول صل الله عليه وسلم تزوج أم سلمه رضى الله عنها وقد تجاوزت الستين من عمرها والزواج عصمة فى الدين ولم يحدد سنا للزواج وغير ذلك هو تشريع ما أنزل الله بة من سلطان
أَمۡ لَهُمۡ شُرَكَـٰۤؤُا۟ شَرَعُوا۟ لَهُم مِّنَ ٱلدِّینِ مَا لَمۡ یَأۡذَنۢ بِهِ ٱللَّهُۚ وَلَوۡلَا كَلِمَةُ ٱلۡفَصۡلِ لَقُضِیَ بَیۡنَهُمۡۗ وَإِنَّ ٱلظَّـٰلِمِینَ لَهُمۡ عَذَابٌ أَلِیمࣱ﴾ [الشورى ٢١]
كلام،معقول،اللى،مش،عجبه،الكلام،يقراءويسكت،شكراعلى،النصايح،الغاليه،انتى،فجرت،مشكلة،كبارالسن،هذه،هى،الحقيقه،المهم،العيال،يفهموامقصودمشاكل،كبارالسن،تحياتى،لكى،ي،سارة
انامحمودالبسطويسي من اشمون المنوفيه مهندس بالمعاش عمرة 68سنه واقول للساده اللذين لم يعجبهم كلام المذيعه سالوني انا عن الوحده اللتر اعيشهابعدفراق زوجتى منذثلاث سنوات ربنامايحرم حدمن أهل بيته
كلام مظبوط حقيقى 100%
اقسم بالله كلامها صح انا 60 سنه وفعلا الوحدة بتخلي الواحد يكلم نفسه ولا في حد بيسئل عنك مربي كلاب علشان اتكلم معاهم
كلام جميل بس الأهم إن الونس ده سواء كان رجلا أو سيدة يكون مناسب للحالة الإجتماعية للمسن ومش جاى علشان يكوش على اللى عنده وبس
لأن فيه مكاتب توظيف خدم بتسهل جوازات زى دى وفى الأصل هم بيوافقوا علشان المنفعة المادية
كلامها اهبل ومش نقصاها.
أقسم بالله
البنت دي بتقول كلام زي الفل
محاسب مصري اعزب عمري42عام أقيم في الهرم جيزة للتواصل
كلام جميل بس الي يفهمه