علقت النجمة الكبيرة سميرة أحمد، على التصريحات المثيرة للجدل التي أدلى بها النجم الكبير حسن يوسف، والتي قال فيها أنه لا يشاهد المسلسلات التي تعرض خلال شهر رمضان.
سميرة أحمد: كل الناس بتستنى مسلسلات رمضان.. مالهاش علاقة بعبادة ربنا ومش بتضيع الوقت
حيث قالت في تصريحات صحفية: “مش معقول يكون فنان ويقول كده.. واشمعنى دلوقتي؟ ما طول عمرنا بنتفرج ع المسلسلات في رمضان”.
وأضافت: “لو حسن يوسف كان بيصور مسلسل عشان رمضان مش معقول هيقول كده.. وكل الناس بتستنى مسلسلات رمضان.. ومالهاش علاقة بعبادة ربنا ومش بتضيع الوقت.. لإن المسلسل ممكن يكون فيه رسالة مهمة زي مسلسل (الاختيار) مثلًا”.
كان الفنان الكبير حسن يوسف، قد كشف عن طقوسه التي يمارسها خلال شهر رمضان المبارك، حيث قال في تصريحات صحفية: “في رمضان مش بتفرج غير على المصحف.. ده الحصالة اللي بنحوش فيها أعمالنا الطيبة”.
وأضاف: “ما ينفعش نفوت رمضان لإنه بيجي مرة واحدة في السنة.. حتى مسلسل (الشعراوي) بتاعي ما اتفرجتش عليه في رمضان وسيبته لبعد الشهر الكريم”.
وتابع: “لو سمعت إن فيه مسلسل كسر الدنيا هتفرج عليه بعد رمضان.. أما الفنانين فربنا يسهل لهم بقى”.
