“بعد انتقاده لـ محمد سلام بموسم الرياض”.. ريهام سعيد تُهاجم بيومي فؤاد: «مينفعش حد يغلط في شخص عمل الصح ولو الفنان معندوش احساس يبقى مش فنان»
قامت الإعلامية المعروفة ريهام سعيد، بالهجوم على الفنان بيومي فؤاد بعد قيامه في نهاية مسرحية “زواج اصطناعي”، والذي تم عرضها خلال موسم الرياض، بانتقاد الفنان محمد سلام بسبب انسحابه من العمل، وذلك تضامناً مع القضية الفلسطينية.
وأكدت الإعلامية، أثناء تقديمها لبرنامج “صبايا الشمس”، والمُذاع عبر فضائية “الشمس”، معلقة: “مش هينفع خالص تنتقد الفنان محمد سلام، وده لأنه عمل موقف يُحترم عليه، ومينفعش حد يغلط في شخص عمل الصح أبداً”.
وواصلت ريهام سعيد: “الفنان بيومي فؤاد قال كلام مش كويس ومستفز، وإن وضعه صعب علشان بطاقته مكتوب فيها فنان، وأنا دلوقتي بقولك إنت كده بتضحك على نفسك، وده مع احترامي الكامل للشعب السعودي، وإيه دخل الموضوع ده في إنك رايح تقدم مسرحية تضحك الناس؟”.
وأضافت الإعلامية: “كلنا لينا الشرف إننا نروح نتصور مع الإماراتي والسعودي واللبناني، ولكن ده دخله إيه في إن مستشفى بتتضرب وأطفال بتموت والدم موجود هناك في كل مكان؟، وإنت بحكم إنك فنان كوميدي فإنت رايح تضحك، وغيرت محمد سلام وجبت محمد أنور، وعلى فكرة في ناس كتيرة شايفة إنه ميصحش في ظل هذه الظروف، واليوم اللي إتكلم فيه محمد سلام كان الوضع أصعب”.
ورداً منها على جانب من حديث الفنان بيومي فؤاد، والذي أكد فيه على احترامه للجمهور، علقت: “يعني إنت احترمت الناس اللي رايحة تدفع فلوس علشان تتفرج على مسرحية وتضحك، ومش محترم الفلسطينيين.. أكتر من 2 مليون ونصف فلسطيني مهددين وحياتهم بتنتهي وبتدمر.. مش محترمهم ليه ومش محترم شعورهم واحساسهم؟”.
وأنهت ريهام سعيد حديثها: “وفي النهاية لو الفن مش هيقوم على إننا نحس بالناس، وإن الفنان ميكنش عنده إحساس بالناس اللي حواليه.. أكيد مش هيكون فنان”.
