استضافت الإعلامية بسمة وهبة، طليقة مؤدي أغاني المهرجانات حسن شاكوش، في حلقة أمس من برنامج “90 دقيقة” الذي يعرض عبر قناة “المحور”.
ريم طارق: حسن شاكوش خاني في نهار رمضان مع فنانة مشهورة تالت حرف في اسمها (ر)
وهي الحلقة التي كشفت خلالها ريم طارق، كواليس انفصالها عن زوجها حسن شاكوش، حيث قالت: “سبب من الأسباب كان فيه رمضان في نهار رمضان مع ممثلة مشهورة ومعروفة المفروض عندها مشكلة صحية كان معاها في شاليه في السخنة ولما رجع البيت هو مسجل اسمها طبعًا بالعربي كاتبة له انت وصلت يا حبيبي وبينهم علاقة”.
وأضافت: “30 يوم في رمضان أنا بشوف الحاجات اللي بحكيها لحضرتك دي.. حاجات مختلفة.. فنانة مشهورة عندها مشكلة صحية وهي عارفة وأنا عارفة.. المشكلة من زمان.. وحبت في وقت تسمعني صوتها كانوا مع بعض وقعدت تضحك وكده.. بس حلال عليها”، وعندما سألتها مقدمة البرنامج عن ثالث حرف في اسم الفنانة التي تقصدها قالت “(ر)”.
وتابعت: “في رمضان كان بيطلع لايف وكده وقالي إن اللايف ده هيجي منه هدايا تمام الهدايا دي بتبقى فلوس.. كان كل يوم يطلع لايف يقول الناس يا جماعة أنا يحرم عليا كل جنيه بيدخل من التيك توك أنا هاخده أتبرع بيه لجمعيات خيرية للأطفال.. أنا كنت فرحانة جدًا لإنه قالي أنا هديكي أنتي الفلوس تروحي تعملي ده.. بعد ما اللايفات خلصت هو اختفى فين يا حسن الفلوس عشان نوديها.. قالي خلاص الموضوع اتنسى.. بعد ما كان محرم وقال أنا يحرم عليا وعلى بيتي كل جنيه من التيك توك.. خد الفلوس ده 30 يوم في رمضان والناس تشهد على ده إن كان بيطلع عشان يلم تبرعات.. تقريبًا 30 ألف دولار أو حاجة زي كده وخدها”.
