كشفت الفنانة ألفت عمر، عن تعرضها لوعكة صحية خلال الفترة القليلة الماضية من خلال منشور لها عبر حسابها الرسمي على موقع التواصل الاجتماعي “فيس بوك”.
ألفت عمر: طلع عندي كسل في الغدة الدرقية نتيجة حرق الدم في الشغلانة دي
حيث قالت: “صباح الفل لما كتير سألوني إيه اللي حصلي قلت أقولكم.. طلع عندي كسل في الغدة الدرقية نتيجة حرق الأعصاب والدم في الشغلانة دي”.
وأضافت: “والغدة بتعصبك وبتحجز الميه تحت الجلد وبتعطل الحرق في الجسم مهما عملت دايت مش هتخس وترجع زي ما كنت فالحل إيه.. جيم طول الوقت ع الأقل 4 أيام في الأسبوع.. دايت أكل وشرب حاجات معينة تزود الحرق وتهدى خالص وتعيش بأعصاب باردة اللي يحصل يحصل.. وفعلًا النجاح والبريق ليه وقته والأرزاق بيد الله مهما كنت شايفة نفسي شاطرة وأستاهل”.
وتابعت: “عملت كده وخلال 3 أسابيع لشهر كانت دي النتيجة ولسه بكمل.. دعواتكم إن شاء الله أقدر أكمل من غير قلق.. مش مستاهلة.. صحتك بالدنيا”.
الجدير بالذكر أن الفنانة ألفت عمر، شاركت في الموسم الرمضاني للعام الحالي بمسلسل “سره الباتع”، وهو المسلسل الذي شاركت في بطولته عدد كبير من النجوم أبرزهم: أحمد فهمي، وأحمد صلاح السعدني، وحنان مطاوع، وريم مصطفى، وخالد الصاوي، وعمرو عبد الجليل، وأحمد عبد العزيز، ونجلاء بدر، وأحمد وفيق، ومنة فضالي، وهالة صدقي، وصلاح عبد الله، وحسين فهمي، ومحمود قابيل، وهشام الجخ، وهدى الإتربي، عن قصة الأديب الراحل يوسف إدريس، وسيناريو وحوار وإخراج: خالد يوسف.
