نهى العمروسي: بناة الأهرامات مش بشر أصلًا

أثارت الفنانة نهى العمروسي، ضجة كبيرة بسبب التصريحات التي أدلت بها مؤخرًا بشأن بناة الأهرامات الحقيقيين.

نهى العمروسي: بناة الأهرامات مش بشر أصلًا

حيث قالت نهى، في منشور لها عبر حسابها الرسمي على موقع التواصل الاجتماعي “فيس بوك”: “بناة الأهرامات مش المصريين القدماء”.

وأضافت: “أنا عارفة انتوا هتجزوا على سنانكم مني بس مش مهم.. أنا باحثة عن الحقيقة.. والحقيقة بتقول إن أجدادنا مش هما اللي بنوا الأهرامات.. والأهرامات مش مقابر أصلًا.. دي حكاية فوق خيالكم”.

وتابعت: “بس اللي مسيطرين على الكوكب وعاملين لنا تنويم مغناطيسي ومغيبين عقولنا خدعونا بقصة مقبرة خوفو دي.. يالا اشتموني بسرعة وطلعوني جاهلة.. البوست الجاي هقول فيه مين هم بناة الأهرامات الحقيقيين”.

وفي منشور آخر قالت نهى العمروسي: “طيب ابحثوا عن الألواح السومرية.. وبالذات اللوح الـ ١٠ و١١ اللي Enki كاتب فيه تفاصيل عن بناء الأهرامات.. الألواح دي كانت مدفونة تحت الطين من آلاف السنين ولقوها في العراق.. أظن دي آثار وعلماء الآثار أثبتوا إنها أثرية مش حديثة.. يعني الواد حمؤة إللي واقف علي الناصية مش هو اللي كتبها ودفسها في الطين عشان عايز يطلع ترند زى ما بتقولوا علية بالظبط”.

وأكملت في منشور لها أمس: “بناة الأهرامات مش بشر أصلًا.. مش من الجنس البشري.. وتماثيلهم العملاقة ده طولهم الأصلي مش تضخيم ليهم”.

وواصلت تأكيد رأيها بمقطع فيديو علقت عليه قائلة: “الفراعنة مش بناة الأهرامات.. أهو مش أنا لوحدي اللي بقول كده… ومثبوت بالقرآن وبشهادة علماء الآثار.. أنا بعترف إني غلطانة إني حاولت أعرض عليكم جزء من الحقيقة في مستنقع السوشيال ميديا اللي بتحشاها.. خليكوا في الفضايح وجرايم القتل وشرشحة الناس لبعضها والنميمة لإن هو ده تمامكم.. سلام يا عباقرة ياللي مفيش حاجة ماتخفاش عنكم.”