كشفت الفنانة والراقصة الاستعراضية الكبيرة نجوى فؤاد، عن عدد زيجاتها الحقيقي، حيث قالت في تصريحات تليفزيونية: “واحدة عرفي وخمسة شرعي”.
نجوى فؤاد: اتجوزت 6 مرات.. واحدة عرفي وخمسة شرعي
وعن الرجل الذي تختاره إذا عاد بها الزمن، قالت: “بصراحة الله يرحمه أحمد فؤاد حسن.. كان أب وأخ وزوج وأسرة بيدي الإنسان دفعة للعمل ثقافة كل حاجة”.
وأضافت: “أنا ما كنتش أقدر أخلف وأقعد في البيت سنة عشان أجيب طفل.. فندمت على قراري ده.. وحسيت بالندم من الوحدة اللي أنا عايشة فيها دلوقتي.. كان لازم أجيب طفل أو طفلين يونسوني في حياتي”.
وعن المقارنة بين الماضي والحاضر، حول القلق من الارتباط براقصة، قالت: “والله زمان ما كانش فيه كده.. يعني أنا مثلًا أسرتي ما يعرفوش حاجة اسمها فن.. كان قالقهم إن أنا انتميت للفن.. لكن حاليًا يقلق شوية.. لإن في خليط من الراقصات بيوصلوا المتفرج أو اللي بيشوف لموقف مش حلو يعني دي لو اتجوزتها دي هتخوني أكيد.. لإن هي مش محترمة على المسرح”.
وتابعت: شوهوها بشكل فظيع في الزي والحركة يعني الرقص الشرقي والرقص الاستعراضي محترمين أوي ومن حضارة العرب.. كانوا بيعملوا الجنازات والأفراح بالرقص.. يعني ما كانش فيه حاجة اسمها عيب لأ رقاصة”.
