“مش بحب مسلسل ستات قادرة”.. نجلاء بدر عن منى زكي: «عبقرية ولما بتفرج عليها بقول معقول في يوم من الأيام هكون زيها»
كشفت الفنانة الجميلة نجلاء بدر، كواليس مشاركتها بمسلسل “صوت وصورة”، والذي حقق الكثير من النجاح خلال الفترة الماضية، وتصدر تريند العديد من مواقع التواصل الإجتماعي، كما تحدث خلال اللقاء عن الفنانة منى زكي.
وأكدت الفنانة، خلال لقائها بالإعلامية إنجي علي، والتي تقوم بتقديم برنامج “أسرار النجوم”، والمُذاع عبر إذاعة “نجوم fm”، قائلة: “بتمنى أكون زي الفنانة منى زكي وده لأنها عبقرية، ولما بتفرج عليها بقول لنفسي ممكن يجي عليا يوم وأكون زيها، وأوصل لنفس آدائها في التقمص والحب والأحاسيس والمشاعر؟”.
وواصلت نجلاء: “وفي مسلسل صوت وصورة كنت بتمنى (حنان مطاوع)، واللي بتقوم بدور رضوى تكون هى القاتل، وحقيقي مفيش حد فينا كان عارف مين القاتل لحد ما صورنا الحلقة 27، وبجد مش سهل خالص الواحدة منا تتفرج على نفسها، وده لأن المواجهة ساعتها بتكون صعبة للغاية”.
وأضافت الفنانة: “وأنا عملت شخصيات كتيرة تركت أثر معايا ومع الجمهور، وده زي شخصية إيناس بـ حكاية حياة وشخصية دينا بـ فوق مستوى الشبهات، وكمان شخصية وزة بـ ستات قادرة وده برغم إني مكنتش حابه المسلسل، وشخصية جميلة في مسلسل الفتوة وآخر حاجة شخصية زيزي بـ رمضان كريم”.
وتابعت نجلاء: “وزمان لما كنت صغيرة مكنتش عارفة يعني إيه مسؤولية العمل بالفن، وإشتغلت مع مراد مكرم 4 مرات.. ولما كبرنا الأداء اختلف، وحقيقي الفنان منا لما بيكبر قيمته بتزيد، وده لأنه مخزون كبير أوي من حياته وحياة غيره”.
وأنهت الفنانة: “وبجد في صوت وصورة حسيت بتناقض كبير في شخصية نرمين، وده لأن أغلب المشاعر بتكون عكس اللي جوايا، وده بمعنى إني بكون سعيدة ومبسوطة في العمل والواقع مش بيكون كده خالص”.
