نبيلة عبيد: كل واحد اتقدملي كان عايزني أقعد في البيت

حلت النجمة الكبيرة نبيلة عبيد، ضيفة على الإعلامي مصطفى الآغا، في برنامجه “صدى الملاعب” الذي يعرض عبر قناة “MBC”.

نبيلة عبيد: كل واحد اتقدملي كان عايزني أقعد في البيت

وردًا منها على سؤال “هل الفن يستحق أن تضحي بحياتك الأسرية من أجله؟”، قالت نجمة مصر الأولى: “شوف عشان دي رغبتي أنا رغبتي أنا الشديدة.. أمي الله يرحمها يعني كان ممكن أعملها أي حاجة لكن تشوفني زوجة وعندي طفل.. وتعبت معايا فترة طويلة.. وكل واحد بيتقدم لي عايزني أقعد في البيت ما أشتغلش”.

وأضافت، أنه لا يوجد منتج طلب منها الزواج وقال لها أنه سوف ينتج أفلامها، قائلة “أنا اللي كنت بروح أشتري الروايات بعد كده لما اتعرفت على إحسان عبد القدوس بقيت أنا اللي اشتري الروايات”.

وتابعت: “كل واحد عايزني زوجة في البيت ليه تنزل وتقعد تحتك بده وده.. يعني العقلية مختلفة عن اللي أنا عايزاه.. عن اللي أنا عايزة أعمله.. كنت عايز أوصل للي أنا واصلة له دلوقتي واللي أنا عملته دلوقتي”.

وعن أفضل لقب شعرت أنها تستحقه، قالت: “سيبك من كلمة نجمة مصر الأولى دي.. دي أنا هقولك جت إزاي اتطلبت مني.. يعني إن أنا ممثلة كويسة وإن أنا لما يتقال يقولك لأ دي غول تمثيل.. لأ دي نبيلة عبيد.. كفاية ده”.

وكشفت نبيلة، عن أفضل الأدوار التي قدمتها خلال مسيرتها الفنية، قائلة: “بص أنا عاملة حاجة وتسعين فيلم كل شخصية مختلفة ولكن الحاجة اللي كانت لمساني شوية كده إلى حد ما أنا كنت عايزة موضوع واتعرفت على الأستاذ إحسان عبد القدوس ولما روحت له رشحلي رواية اسمها وسقطت في بحر العسل.. قالي خديها أعمليها.. لما خدتها وقريتها كنت بمر بحالة مشابهة حالة أنا كنت بمر بيها مشابهة للموضوع ده”.