“بعد انتقاده لـ محمد سلام بسبب انسحابه من موسم الرياض”.. مفيدة شيحة تُهاجم بيومي فؤاد: «مكنتش محتاج تكسب بنط على قفاه»
قامت الإعلامية المعروفة مفيدة شيحة، بالرد على انتقادات الفنان بيومي فؤاد، والتي وجهها للفنان محمد سلام، بعد قرار انساحبه من مسرحية “زواج اصطناعي”، والتي تم عرضها خلال موسم الرياض الذي يقام حالياً بالسعودية.
وأكدت الإعلامية، أثناء تقديمها لبرنامج “الستات”، والمُذاع عبر شاشة “النهار”، “أنا بلوم على موقف بيومي فؤاد اللي حصل امبارح، ومش بلومك على إنك زعلت من محمد سلام، ولكني بلوم عليك كمواطنة مصرية وإنك تطلع على المسرح بدولة تانية، وتنتقد ممثل مصري آخر علشان خد موقف في بلده بخصوص وضع حالي”.
وواصلت مفيدة: “وعلى فكرة أنا ضد فكرة إننا نقلل من شأن بعض وننتقد بعض خارج مصر، وده لأن الأمر بيقلل من شأننا ولا يُعلينا، وعاوزاك تتأكد إن التصفيق اللي حصلت عليه امبارح مش معناه إنك البطل الحقيقي، ومع احترامي لقيمتك وسنك وتعليمك وحب الجمهور ليك كان سهل أوي تتطلع لايف ببلدك وتقول اللي إنت عاوزه براحتك عن محمد سلام أو غيره.. أكيد الناس كانت هتحترمك أكتر”.
وأضافت الإعلامية: “وأسفة إني أقولك اللي إنت عملته امبارح إهانة للشعب المصري كله في أمر يخصنا، وشايفه إنه مكنش ضروري تكسب بنط على قفاه، وبجد اللي حصل حاجة مش كويسة، وفي النهاية شكلنا مكنش لطيف”.
وجديراً بالذكر، بأن الفنان بيومي فؤاد قام بمهاجمة الفنان محمد سلام عقب مسرحية “زواج اصطناعي”، خلال موسم الرياض، وعلق قائلاً: “من حقك إنك تعتذر عن المشاركة بالعمل، واللي مش من حقك إنك تغلط في الفن، وده علشان إحنا مش جايين علشان نضحك الناس إحنا بنقدم فن هادف.. إحنا بنحترمكم وإنتم بتحترمونا جداً، وحقيقي حاجة كويسة إني أخرج أتصور مع شاب سعودي ومع سيدة سعودية، وهما على علم إني مصري وبشرف بلدي”.
