منى فاروق بعد اعتزالها: لو حد شافني بشتغل في محل لبس أو أي شغل ما يقولش إيه ده.. أبوس إيديكم عاوزة أشتغل
علقت الفنانة الشابة منى فاروق، من خلال منشور لها عبر حسابها الرسمي على موقع تبادل الصور والفيديوهات “انستجرام” على قرار اعتزالها.
منى فاروق بعد اعتزالها: لو حد شافني بشتغل في محل لبس أو أي شغل ما يقولش إيه ده.. أبوس إيديكم عاوزة أشتغل
حيث قالت في منشور لها كتبته عبر خاصية القصص المصورة “ستوري” الملحقة بحسابها على “انستجرام”: “مساء الخير.. الكلام اللي بقوله ده خارج خالص عن فكرة إني أخد التريند.. وأعمل زي أي حد.. أنا قولت اعتزلت الفن لسبب واحد.. ده مصدر رزقي الوحيد اللي أنا بحبه وعاوزة أشتغله.. لكن لما أوصل لمرحلة إني مش عارفة أدفع إيجار بيتي.. حاجة تتعب”.
وأضافت: “أنا محتاجة أشتغل عشان أعيش زي أي بني آدمة طبيعية.. وأنا غلطت وربنا بيسامح ليه البني آدمين مش عاوزين يسامحوا.. أنا بسمع بودني لا بلاش منى عشان الفيلم والمسلسل ما يتضرش”.
وتابعت: “ليه ياربي أنا بقيت منبوذة من كل الناس.. أنا مش طالبة غير إني أشتغل في الحاجة اللي بحبها عشان أعرف أعيش.. المجتمع حاططني في المكان الوحش بس مش يمكن عاوزة أبقى كويسة زي أي واحدة.. ليه بتقفلوها قدامي”.
وواصلت: “عشان كده أنا بناشد دكتور أشرف زكي.. والأستاذ أشرف عبد الباقي.. وشركات الإنتاج.. محتاجة شغل.. عاوزة أعرف أعيش.. ولما قولت قررت أعتزل من أجل لو حد شافني بشتغل في محل لبس أو أي شغل ما يقولش إيه ده.. مش طالبة غير أشتغل.. أبوس إيديكم عاوزة أشتغل”.
