كشف الفنان المعروف محمد رياض، كواليس من حياته الشخصية وتفاصيل تعارفه على زوجته الفنانة الجميلة رانيا محمود ياسين، وأوضح بأن أول لقاء جمعهما معاً كان في المسرح.
حينما تحدث محمد رياض عن الراحل محمود ياسين وتفاصيل زواجه من ابنته رانيا
وأكد الفنان، أثناء استضافته ببرنامج “الستات”، والتي تقوم بتقديمة كلاً من “مفيدة شيحة، وسهير جودة”، والمُذاع عبر فضائية “النهار”، اليوم الأربعاء، بأنه تعرف على زوجته رانيا أثناء عملهما معاً بمسرحية في مدينة الإسكندرية.
وحينما سؤل، عن تفاصيل تقدمه للفنان الراحل محمود ياسين لكي يتزوج من ابنته رانيا، رد:ـ “اللي حصل في الأول مكنتش عارف أتكلم ولا كلمة ولا أقول حاجة.. حقيقي كان له هيبة كبيرة، وهو ساعتها متكلمش معايا كتير في أي تفاصيل ولا مهر ولاشبكة ولا أي حاجة خالص من الحاجات دي، وهو كان على علم إني لسه في بداية حياتي وبكون نفسي، وكل الكلام اللي قاله إنه هيديني بنته”.
وواصل محمد رياض:ـ “ولكنه كان ليه شرط واحد بس، وهو إني أعيش معاه أنا وبنته في منزله، وبصراحة أنا رفضت الموضوع ده نهائي، وده علشان كنت عاوز أعمل بيت لينا لوحدنا، ومكنتش حابب إن حد يعملنا بيت أو يساعدنا، وزوجتي رانيا كانت موافقة على وجهة نظري، وكل اللي عملته وقتها إننا سكنا جنب بيتهم بشارع واحد بس”.
وتابع الفنان:ـ “وبجد الفنان الراحل محمود ياسين كان بمثاية أب ليا، وكان أجمل وأحسن شخص في الكون كله من وجهة نظري، وكمان حماتي كانت ست طيبة جداً ومحترمة، وكانت بتعاملني كويس أوي زي ابنها وأكتر”.
