محمد سامي: المعجبات بيجولي لحد البيت وبخلي مي تقابلهم وتشربهم حاجة وبعدين أنزل أتخانق مع الأمن
كشف المخرج محمد سامي، عن طريقة تعامله مع المعجبات ورد فعل زوجته الفنانة مي عمر، وذلك في خلال تصريحات تليفزيونية.
محمد سامي: المعجبات بيجولي لحد البيت وبخلي مي تقابلهم وتشربهم حاجة وبعدين أنزل أتخانق مع الأمن
حيث قال: “مراتي عاقلة أوي.. مراتي طيبة زيادة وعاقلة بس ساعات بتضايق.. مقصر في حق عيلتي كلها وطول الوقت بشوفهم وقت قليل طول الوقت بكتب حاجة بفكر في حاجة مسافر”.
وأضاف: “أكتر حاجة مراتي بتضايق منها عدم وجودي.. وعندي معجبين الحمد لله وساعات مي بتضايق لإن فيه ناس بتتجاوز الحدود.. أنا مخرج قبل ما يبقى ليا معجبين.. فكرة المعجبين دي جاتلي أوي بعد البرنامج بس قبل البرنامج كان فيه ناس كتير أوي عايزة تمثل.. وكان ففي تصرفات غريبة بتحصل كتير كنت بنزل ألاقي الناس واقفة تحت في مدخل العمارة وواحدة تطلع ترن الجرس ع البيت.. ده حصل كتير وبيحصلي كتير.. بدخلهم أشربهم حاجة وأخلي مي تقابلهم وأخد رقم تليفونهم وأخد الصور والحاجات وأنزل أتخانق مع الأمن تحت.. أصل البيت ده ليه خصوصية.. لو جيت لقيت ده في المكتب مش هتضايق غير لما ألاقي حد جايلي البيت”.
الجدير بالذكر أن المخرج محمد سامي، يستعد للمشاركة في السباق الرمضاني لعام 2024 بمسلسلي “نعمة الأفوكاتو”، و”جعفر العمدة ج2”.
“نعمة الأفوكاتو” هو مسلسل مكون من 15 حلقة فقط، من بطولة: مي عمر، وإنتاج: مها سليم، وتأليف: محمد سامي، ومهاب طارق، وإخراج: محمد سامي.
“جعفر العمدة ج2” من بطولة: محمد رمضان، وإنتاج: ميديا هب، وتأليف: محمد سامي، ومهاب طارق، وإخراج: محمد سامي.
وأعلن الفنان محمد رمضان، منذ ساعات قليلة عن تعاقده على الجزء الثاني من مسلسل “جعفر العمدة” بعد النجاح الكبير الذي حققه الجزء الأول في رمضان الماضي.
