حل الكابتن أحمد حسام ميدو، نجم الكرة المصرية السابق، ضيفًا على الإعلامية ياسمين عز، مقدمة برنامج “كلام الناس” الذي يذاع عبر قناة “MBC مصر” خلال شهر رمضان الجاري.
ميدو يكشف سبب فشل المنتخب في التأهل للمونديال.. ويهاجم فيديو محمد صلاح
وتحدث ميدو خلال الحلقة، عن سبب فشل منتخب مصر في التأهل لكأس العالم قطر 2022 بعد الهزيمة من السنغال بركلات الترجيح، حيث قال: “المنتخب اللي كنا بنلاعبه أقوى مننا بكتير ده نمرة واحد.. نمرة اتننين احنا عملنا أخطاء فنية وتكتيكية كبيرة جدًا خلال المبارتين أثروا علينا بشكل كبير لكن أه إحنا فيه فرق مستوى ما بينا وبين السنغال.. السنغال على مستوى الأفراد وعلى المستوى الجماعي أفضل مننا بتتكلم عن فريق عنده لاعيبة محترفين في أكبر أندية العالم في كل المراكز ولكن كان في الإمكان أفضل مما كان”.
وأضاف ميدو: “كان ممكن إن إحنا نبقى أحسن لو فيه بعض القرارات الفنية اللي اتاخدت كان ممكن تخلينا أحسن.. زي نص الملعب بتاعنا التلاتة اللاعيبة اللي بيلعبوا مع بعض مينفعش يلعبوا مع بعض أبدًا التلاتة ريتمهم واحد وده في الكرة مش موجود مفيش أي فرقة كبيرة ما بتلعبش بلاعيب لازم واحد م التلاتة اللاعيبة اللي بيكون بيكمل في الـ 18 ويكون ريتمه أسرع وده كان هيحرر محمد صلاح بشكل كبير.. والمدرب بتاعنا كان متحفظ جدًا في أسلوبه وطريقة لعبه في المباراة الأولى في استاد القاهرة اللي احنا كسبناها 1 / صفر كان لازم إن هو ياخد مخاطرة ويحاول يجيب التاني لأن الماتش اللي هناك صعب وهو ماخدش المخاطرة دي حاجات كلها ممكن نتفق أو نختلف عليها لكن لو سألتي 90 % من أهل الكرة هل كان ممكن يبقى فيه أفضل هيقولك كان ممكن يبقى فيه أفضل”.
وعن فيديو اعتزال محمد صلاح، دوليًا قال ميدو: “أنا كنت ضد إن الفيديو ده يتصور ويطلع لإن دايمًا البني آدم بعد أي اخفاق بينفعل لحظيًا أي بني آدم طبيعي مهما كان بيبقى عاطفي مهما كان درجة الاحترافية في الحاجات اللي فيها اخفاقات في العمل وبيلعب باسم مصر فهيبقى عاطفي.. أنا كنت ضد من ضمن الاخطاء برضه اللي حصلت إن الكلام ده كان متصور وتمت إذاعته لمصلحة مين يتم إذاعته أنا عايز أعرف لمصلحة مين غلط”.
وتابع ميدو، قائلًا: “الفيديو لو جالي وأنا مسئول في اتحاد الكرة عمري ما أذيعه.. لكن لو كإعلامي هكلم حازم إمام ومحمد بركات في اتحاد الكرة وهسألهم أذيعه ولّا لأ.. ولو قالولي بلاش يا ميدو تذيعه ممكن ما أذيعوش”.
ووجه ميدو، نصيحة لمحمد صلاح بأن يستمر في ليفربول لمدة 4 أو 5 سنوات أخرى لأنه أصبح أسطورة حتى يستمر باللعب في أعلى مستوياته.
