“بعد الهجوم على والدتها بسبب عدم ارتدائها الحجاب”.. ابنة مروة عبدالمنعم ترد على منتقدي والدتها: «هى اللي حببتني في ربنا وعلمتني أصلي وأقرأ القرآن كويس»
قامت حور ابنة الفنانة الجميلة مروة عبدالمنعم، بـ الرد على منتقدي والدتها، بعد ارتدائها الحجاب والهجوم التي تعرضت له والدتها بسبب عدم حجابها، وأشارت الإبنة بأن والدتها السبب في ارتدائها الحجاب، وأنها تفتخر كثيراً بها.
وأكدت ابنة الفنانة، خلال فيديو نشرته عبر حسابها الرسمي على تطبيق “التيك توك”، وقالت: “أنا قررت إني ألبس الحجاب علشان ربنا وإني مسلمة، وجالي إحساس إني عاوزه أتحجب، وبجد مش عارفه إيه سبب الهجوم على ماما.. دي حرية شخصية”.
وواصلت حور: “أنا عاوزه أتحجب وماما مش عاوزه عادي براحتها، وده عمره ما هيمنع إني أفتخر بيها، وعلى فكرة هى مش بتلبس حاجات مفتوحة وهى اللي ربتني وكبرتني، ولو أنا متربتش صح مكنتش هفكر في الحجاب، والأكيد إنها اللي علمتني أصلي وأقرأ القرآن كويس.. من الآخر هى اللي حببتني في ربنا وبسببها إتحجبت، وياريت كل واحد فينا يخليه في حالة.. ده أمر بينها وبين ربنا ومينفعش حد يتدخل فيه”.
ومن جانبها، فقد علقت الفنانة مروة عبدالمنعم خلال الفيديو، وقالت: “أنا فخورة جداً بـ بنتي حور، وكنت فاكرة إنها هتلبس الحجاب يوم ولا إتنين وهتقلعه، ولكن أنا بحمد ربنا إنها بقالها أسبوع لبساه ومكملة ومش ناوية تقلعه خالص”.
وجديراً بالذكر، بأن الفنانة مروة عبدالمنعم نشرت مؤخراً مجموعة من الصور التي جمعتها بإبنتها حور وهى مرتدية الحجاب، خلال حسابها الرسمي على موقع التواصل الإجتماعي “فيس بوك”، وكتبت: “أنا فخورة جداً بـ بنتي، وده علشان هى اتحجبت وأنا لسه، وياريت الناس تبطل تنمر بقا وكفاية لحد كده الكلام الغريب اللي بسمعه، وإن إزاي البنت تتحجب وأمها لسه؟.. يا جماعة اللي هياحسبني ربنا مش إنتم.. هو وحده اللي عالم بالكواليس”.
