حلت الفنانة مروة عبد المنعم، ضيفة في أحدث حلقات برنامج “الستات” الذي تقدمه كلًا من: مفيدة شيحة، وسهير جودة، ويعرض عبر قناة “النهار”.
مروة عبد المنعم: لما بحب أعيط بركب عربيتي وأمشي في الشارع أقعد أصرخ وأعيط
وقالت مروة، خلال اللقاء: “لما بحب أعيط ما بعرفش أعيط في بيتي عشان ولادي بيبقوا مراقبيني.. فمعنديش رفاهية الاختيار.. ودي حاجة متعبة جدًا”.
وأضافت: “فلما بحب أعيط بقول لولادي إني نازلة أجيب حاجة.. وأركب عربيتي وأمشي في الشارع أقعد أصرخ وأعيط.. وبعدين أرجع البيت تاني لما أبقى كويسة”.
وعن أسباب قلة مشاركتها في الأعمال الفنية على مدار السنوات القليلة الماضية، قالت الفنانة مروة عبد المنعم: “من بعد الثورة ما بقاش فيه إقبال على الشغل ومش عارفة السبب إ]ه”.
وتابعت: “ضعف علاقاتي في الوسط الفني ممكن تكون سبب من أسباب إن مفيش شغل بيجيلي.. بس برضه أنا قبل كده كان بيجيلي شغل وأنا ماليش علاقات”.
وأردفت: “أنا بحب الفن جدًا ومش داخلة الوسط عشان أبقى مشهورة أو يبقى معايا فلوس.. وبعد قضية البنت اللي كانت شغالة عندي وماتت في بيتي الناس فهموا الموضوع غلط وحتى بعد براءتي ما كانش فيه اهتمام إعلامي بالخبر زي ما اهتموا بالقضية في أولها وده سبب لي مشاكل كتير لحد دلوقتي”.
واختتمت حديثها قائلة: “كنت لسه بقول لبنتي مش عارفة أنا صرفت عليكوا إزاي طول السنين دي.. بس الحمد لله بتمشي.. أنا محدش وقف جنبي أنا اللي وقفت جنب نفسي.. وده طبعًا بعد ربنا.. ربنا ده عظيم وكريم أوي”.
