واصلت الفنانة جوري بكر، حديثها عن أسعار السلع الغذائية المبالغ فيها بمنطقة الساحل الشمالي هذا العام.
جوري بكر: إحنا بنتعب عشان نجيب الفلوس.. ادفع 375 جنيه في ساندويتش برجر ليه؟
حيث كتبت الفنانة التي اشتهرت بدور (وداد) في مسلسل “جعفر العمدة” الذي عرض في الموسم الرمضاني الماضي، وحقق نجاحًا كبيرًا، منشورًا عبر خاصية القصص المصورة “ستوري” الملحقة بحسابها الرسمي على موقع تبادل الصور والفيديوهات “انستجرام” قالت فيه: “الموضوع كبر وكويس إني فتحت عين الناس على حاجات كتير بتحصل كان بالنسبالي الموضوع مش هزار على فكرة”.
وأضافت: “أنا كنت بتكلم بجد أنا برضو إنسانة طبيعية زي أي حد.. بتعب أنا وجوزي ومتغربين عشان نعيش عيشة كريمة لينا ولأولادنا”.
وتابعت: “وبنتعب عشان نجيب فلوس.. والناس اللي مفكرة إننا بناخد ملايين.. أنا أدفع براحتي لكن ليه أحس إني بتسرق واللي بتنقدني وبتقول إيه يا فنانة ما تدفعي ولو معكيش متروحيش”.
وأكملت: “لأ مش هدفع أنا إزازة مياه بالسعر ده ولا ساندويتش برجر بـ 375 جنيها ولا قهوة.. وعلى فكره دي مش مياه بس ده أكل وشرب ولبس ارحموا من في الأرض يرحمكم من في السماء”.
وأردفت: “فين حماية المستهلك في أسعار بعض الأماكن اللي في الساحل.. الناس نفسها تنبسط في ناس تانية عايشة على قفا ناس تانية والهبل كتير”.
واختتمت منشورها قائلة: “بلدنا جميلة والأماكن جميلة أنا بحب كل شبر في البلد دي.. وناس كتير تشهد من إسكندرية لشرم جونة غردقة الساحل أنا بس بكره الاستغلال.. وللأسف معظم اللي حوالينا بقوا وحشين وجشع وطمع وقرف أنا بقول حقايق وربنا يكون في عون الجميع”.
والله برافو عليك لو كل واحد فينا قال كلمه الحق هينصلح حال البلد دي
فعلا عندك حق الجشع الاستغلال بقه منتشر بزيادة حرام عليكم وعلى فكرة مش في الساحل بس ده بقه في كل الاماكن