تحدثت الفنانة انتصار، عن طبيعة العلاقة بين المرأة والرجل، وردت على منتقدي كل الرجال ووصفهم بالخاينين، وعلقت قائلة:ـ “مش طبيعي إننا نقول كل الرجالة خاينين ومش كويسين، وده علشان الراجل ده يبقى أبوكي وأخوكي وإبنك اللي جاي من بطنك”.
انتصار لـ منتقدي الرجال: «مفيش حاجة اسمها الرجالة كلهم خاينين»
وأكدت الفنانة، خلال تصريحات تليفزيونية:ـ “وكمان ابن عمك اللي بيحبك ويخاف عليكي وبيراعيكي.. هو كل الناس دي وحشة؟، ولا إنتي مش بتفكري في حاجة ومركزة في العلاقة العاطفية مع الحبيب والزوج وبس، وهو إنتي اختزلتي الرجالة في النطاق ده وبس؟، والأكيد إن في حاجة اسمها بعض ونسبة، والمفروض إننا ناخد كل نسبة على حالتها وبتربيتها”.
وواصلت انتصار:ـ “وطبعاً في كلام كتير بيتقال قدامك وتسخين وتقوية وإوعي تسكتي ومتسبيش حقك وحاجة اسمها عقدة نفسية، وتحسي إن الواحدة داخلة وواخدة الموضوع تحدي وتحفز بدل ما يكون في صفاء نية ونفس، ومتعمليش أكل له وإوعي تديله فلوس من معاكي ومترضعيش.. تحسي إن الواحدة عايشة مع عدوها، ولو الموضوع كده طب ما تدبحيه وتخلصي؟، والبنت بيكون فيها العبر وتقعد تقول كان بيجري ورايا هو كان يحلم يشوفني.. هو كان يطول.. يطول إيه ده الشرع حلل له 4”.
وجديراً بالذكر، بأن الفنانة انتصار قد تحدثت مؤخراً عن الرجال، وأشارت بأنهم ليس لديهم هدف بالحياة، وأن أغلب آرائهم تتغير بصورة مستمرة، وأكدت بأن المرأة لا تستطيع أن تُغير من صفات الرجل بعد الزواج.
وأوضحت الفنانة، خلال تصريحات تليفزيونية:ـ “الست والراجل لما بيكبروا بيتهدوا لوحدهم، وساعتها بياخدوا على بعض، ولكن وهما لسه صغيرين الدنيا بتكون واخداهم شوية، ولو الواحدة اتجوزت شخص بيحب يخرج كتير مش هتعرف تغير منه بسهولة، وحتى إن كان معاه 5 أولاد صعب أوي”.
وأضافت انتصار:ـ “ولو جوزك راجل بيتوتي هيفضل بعد الجواز كده، والأكيد إنك مش هتعرفي تغيري حاجة في جوزك بعد الجواز، وطبعاً أغلب الستات بتكون مش عارفة هى عاوزة إيه رغي وهري على الفاضي”.
