“عايزة تعمل تريند ومشاهدات”.. خطيبة الراحل هيثم أحمد زكي رداً على تصريحات حورية فرغلي عن حبه لها: «مكنتش تجرؤ تقول كلام زي ده وهو عايش»
قامت الجميلة إنجي سلامة خطيبة الفنان الراحل هيثم أحمد زكي، بالرد على تصريحات الفنانة حورية فرغلي حول علاقتها بخطيبها الراحل، والتي أكدت بأنه فارق الحياة وهو يحمل بعض المشاعر تجاهها، وذلك بالرغم من اعلان ارتباطه بـ إنجي.
وأكدت خطيبة الراحل، خلال تصريحاتها مع “القاهرة 24”: “حورية عاوزه تعمل تريند ومشاهدات وخلاص، وده طبعاً على حساب شخص مش موجود، وهى مكنتش تجرؤ تقول كلام زي ده وهو عايش”.
وواصلت إنجي سلامة: “وكل شوية تقعد تتكلم عن الموضوع ده، وده علشان هى فاكرة إن مفيش حد هيرد عليها ويكدبها ولا يسكتلها، وبجد عيب الطريقة دي ملهاش علاقة بالأخلاق ولا بالدين، وده علشان بتقول كلام مش كويس خالص عن شخص مش موجود يرد عن نفسه”.
وتابعت موجهة رسالة للفنانة حورية فرغلي: “الأفضل ليها إنها تركز أكتر في شغلها، وده علشان لما حد يستضيفها في برنامج تلاقي حاجة تتكلم عنها، وده طبعاً يكون بعيد عن موضوع الراحل هيثم الله يرحمه”.
وجديراً بالذكر، بأن الفنانة حورية فرغلي سبق وتحدثت عن علاقتها بالراحل هيثم أحمد زكي، وأكدت أثناء استضافتها ببرنامج “أسرار النجوم”، والتي تقوم بتقديمة الإعلامية إنجي علي، والمُذاع عبر إذاعة “نجوم fm”، مُعلنة: “أنا قابلت الراحل هيثم عند الأستاذ خالد يوسف، وده لما كنا بنشتغل في فيلم (كف القمر)، وعلى فكرة أنا أكبر منه بـ 6 سنين، وكنا أصحاب أوي ورحت بيته، وكان الهدوء اللي موجود عنده يحسسك إن مكنش في حد ساكن في شقته”.
وواصلت الفنانة: “وأنا حبيته أوي وميلت له في وقت من الأوقات، ولكنه كان بيغير بطريقة صعبة للغاية، وعلاقتي بيه إنتهت لما كنا بصور (دوران شبرا)، وده علشان لما كنت بعزي في والدة الفنان هاني عادل، الراحل راح جايبني من شعري وضربني وقالي يا طنط، وأنا ساعتها زعلت جداً وقولتله إنت علمتني معرفش حد أصغر مني بيوم واحد”.
وأنهت حورية حديثها: “وفي ناس كتير قالت إنه مات وهو لسه بيحبني، ولكنه حاول أكتر من مرة إنه يرجع علاقتنا ببعض، ولكن الموضوع بينا كان بيوصل لمنطقة معينة خطر ويقف”.
