“خلاني أهلاوية غصب عني”.. هنا الزاهد عن زواجها من أحمد فهمي: «شهر العسل بتاعنا باظ وكان أوحش حاجة حصلتلي»
كشفت الفنانة الجميلة هنا الزاهد، كواليس من حياتها الشخصية والفنية وتحدثت عن بعض الأمور الهامة التي حدث بحياتها، وأشارت بأن زوجها الفنان أحمد فهمي أرغمها على تشجيع الأهلي بعدما كانت تشجع الزمالك.
وأكدت الفنانة، أثناء استضافتها ببرنامج “الحكاية”، والذي يقوم بتقديمة الإعلامي عمرو أديب، والمُذاع عبر فضائية “mbc مصر”، موضحة: “أنا كنت بشجع الزمالك وأحمد خلاني أشجع الأهلي غصب عني، وساعتها هو قالي مش هينفع تكوني زملكاوية.. مش هينفع تقولي قدام الناس إنك زملكاوية وتكسفيني، وده علشان أغلب الناس عارفة إني أهلاوي وكده شكلي هيكون وحش، وأنا قولت أمشي أموري وخلاص أنا كده كده مليش في الكورة أوي”.
وحينما سؤلت هنا الزاهد، عن رد فعلها حول الشائعات التي تلاحقها بسبب عملها بالفن، ردت: “إنت اخترت تكون فنان، فضروري تستحمل كل الكلام اللي بيتقال عنك، ولكن بصراحة أنا بتأثر جداً لما بقرأ حاجة تضايقني، وده لأني إنسانة من لحم ودم، ولما بشوف تعليق مش كويس بتأثر وبقول لجوزي ممكن أرد وأقول للشخص اللي بعت الكلام ده إنت عملت كده ليه؟، وفي الآخر ألقيه بيقولي أنا كنت عاوزك تردي عليا وخلاص”.
وأما عن شعرها وطريقة التعامل معه، علقت: “على فكرة أنا مش بعمل حاجة في شعري خالص، وأغلب الوقت في شغلي بلبس بواريك، وده علشان أنا بخاف على شعري إنه يقع أو يبوظ، وهو في الحقيقة كيرلي ولو ظهرت بيه كده مش هيبقى حلو، وكمان بشيل همه وأنا راحة البحر علشان بيكون مش ألطف حاجة.. بيكون عامل زي شعر علي ربيع لما بينشف، وأحمد بيحب يشوف شعري عادي”.
وأنهت الفنانة هنا حديثها، عن زواجها من أحمد فهمي وتحديداً فترة شهر العسل، قائلة: “بجد شعر العسل بتاعي باظ، وكان أوحش حاجة حصلت ليا، وده علشان وزني وصل لـ 47 كيلو وتعبت أوي بسبب حصوة على المرارة، ولكن في النهاية بحمد ربنا على كل شئ”.
