قامت الفنانة هيدي كرم، بتوجيه رسالة هامة للجمهور والتي تُطالبهم فيها بإحترام النجوم والمشاهير من الفنانين، وضرورة الإبتعاد عن سبهم ومُحاولة التقليل من شأنهم.
وأكدت الفنانة، خلال مقطع فيديو نشرته عبر حسابها الرسمي على موقع التواصل الإجتماعي “انستجرام”، قائلة: “والله إحنا كـ مشاهير شبعنا شتيمة، وأنا بتكلم النهارد بالنيابة على أغلب الفنانين وخصوصاً السيدات، وده علشان مُعظمنا إتهرى شتيمة وتهزيق وقلة قيمة، وبجد الإرهـ،ـاب بقا موجود على السوشيال ميديا، وده علشان الناس بتحسسنا إننا ليس لنا قيمة ومنسواش حاجة خالص”.
وواصلت هيدي: “والناس اللي عمالة تشتم فينا في الراحلة والجاية على مواقع التواصل، وكل اللي بنعمله إننا بنحاول نقدم ليهم محتوى لذيذ وكويس، وبنحاول نعمل طاقة إيجابية عند الناس، ومهما نقدم ليهم سواء حاجة حلوة أو وحشة مش نافع.. طول الوقت إحنا وحشين، وأنا عاوز أقول إن الناس اللي بتعمل كده لو حد قالهم نفس الكلام ممكن ينتحروا على طول”.
وأضافت الفنانة: “وبجد إحنا عندنا جهاز عصبي قوي جداً، وده لأننا بنستحمل كتير وجسمنا نحس من كتر الكلام ومفيش حد فينا بيرد، ولكن الناس اللي بتعمل كده لو إتعمل فيهم نفس الشئ هيحصلهم حاجاة كتيرة وهيتعبوا نفسياً وممكن يعملوا في نفسهم حاجة، ولكن إحنا مش ممكن نفكر في كده ونقول لحد كلام مش كويس لأننا محترمين وبقدر مشاعر الآخرين مهما يحصل، ودي الحاجة اللي مش عندكم خالص”.
وتابعت هيدي: “وحقيقي الموضوع زاد عن حده على الأخر، وياريت تشوفلكم لعبة تانية، لأن كرامتنا مش لعبة في إيدكم وبالراحة علينا شوية، كل واحد فينا عنده اللي مكفيه، وبرجوكم تخافوا علينا شوية مفيش بينا وبينكم مشاكل نهائياً، ونجاح الفنان منا مش معناه إنكم فشلتم”.
وأنهت حديثها: “وفي النهاية بطلب منكم محبة بالراحة على إخوانكم الفنانين الطيبين والموهوبين، واللي ممكن يقدموا ليكم كل حاجة حلوة، ويارب كل الناس تنجح”.
