قامت ريم طارق طليقة المطرب الشعبي المعروف حسن شاكوش، بالرد على سؤال أحد مُتابعيها بخصوص سجودها بعد طلاقها من زوجها مثلما حدث ليلة زفافها، وأشارت بأنها ستسجد حينما تُعوض في زيجتها الثالثة.
طليقة حسن شاكوش: «ما سجدتش لما إتطلقت وهسجد لما ربنا يعوضني في الجوازة التالتة»
وأكدت ريم، خلال فيديو لايف عبر حسابها الرسمي على موقع التواصل الإجتماعي “انستجرام”:ـ “لسه ما سجدتش بعد ما اتطلقت، وإن شاء الله هسجد لما ربنا يعوضني في جوازتي التالتة”.
وواصلت طليقة شاكوش:ـ “وعلى فكرة أنا ضد موضوع الطلاق، وحقيقي خراب البيوت مش حاجة سهلة، وأنا دلوقتي قاعدة في البيت عند والدي، وما أخدتش حاجة منه لا فيلا وأي حاجة من حقوقي، وأنا ضد إن شخص يقول حاجة وميكنش معاه دليل”.
وتحدثت ريم خلال البث عن سبب طلاقها من زوجها الأول، موضحة:ـ “كان عنده مشكلة كبيرة، فكان ضروري ميحصلش نصيب بينا، وطبعاً الموضوع التاني كل الناس عرفاه”.
وأوضحت طليقة حسن، بأنها واثقة من عدل الله وأنه سيرد لها حقها يوماً ما، مشيرة:ـ “كله سلف ودين، وطول الوقت بدعي وأقول يارب تديني على قد نيتي وخلاص، وإن شاء الله الدنيا تلف وتدور ونشوف، وهى دلوقتي كده كده بتلف والشخص اللي مركز هيعرف معنى كلامي”.
وكشفت ريم خلال البث، عن سنها الحقيقي ومؤهلها الدراسي قائلة:ـ “أنا خريجة سياحة وفنادق جامعة 6 أكتوبر، وإن شاء الله هتم عامي الـ 29 آخر الشهر الجاري، وبفكر أرجع أشتغل في المبيعات تاني، وحقيقي إتعرض عليا أشتغل بالتمثيل وبفكر أوافق، وده بسبب إني عشت مسلسل كبير، وعمري ما فكرت أعمل عمليات تجميل خالص”.
