“طول عمري ملتزمة بالصلاة”.. حنان عن حجابها: «ارتديت الحجاب 5 سنين وحسيت إني مش قادرة عليه وبتمنى ألبسه تاني»
أثارت المطربة حنان، الكثير من الجدل خلال الساعات القليلة الماضية، بعدما كشفت عن أنها ترغب في ارتداء الحجاب مرة ثانية، موضحة بأن الحجاب فرض على كل مسلمة، وأشارت بأنها كانت ملتزمة طول الوقت بالصلاة.
صور مجمعة للمطربة حنان من البرامج التليفزيونية، تم تعديلهم ودمجهم بواسطة نجوم مصرية.
وأوضحت الفنانة، أثناء استضافتها ببرنامج “الستات”، والتي تقوم بتقديمة الإعلاميتين “سهير جودة، ومفيدة شيحة”، والمُذاع عبر شاشة “النهار”، قائلة: “أكيد الحجاب فرض، ومش بس كده ده حاجة حلوة، وللأسف الشديد في ناس كتيرة مش هتقدر عليه.. مش أنا بس”.
وواصلت حنان: “وعلى فكرة أنا ارتديت الحجاب 5 سنوات وسبت الغناء، وبعدها بفترة حسيت إني مش قادرة على لبس الحجاب، وه برغم إني مكنتش ناوية ساعتها أرجع للغناء تاني”.
كما أكدت المطربة، بأن زوجها السابق هو من شجعها على عدم ارتداء الحجاب، معلقة: “اللي خلاني أخد قرار زي ده جوزي في ألمانيا، وأنا مش بقول كده علشان أرمي اللوم عليه، وده لأن القرار في الأول والآخر كان قراري مش هو خالص”.
وأنهت المطربة حنان حديثها: “وأنا قولت ما لا يُدرك كله لا يُترك كله، وبجد أنا مش قادرة على ارتداء الحجاب، وبالرغم من كده كنت طول الوقت بصلي ومُلتزمة، وبقضي فروض ربنا قدر استطاعتي، وفي النهاية بدعي ربنا إنه يهديني وألبس الحجاب مرة ثانية ومبعدش عنه مهما حصل”.
وجديراً بالذكر، بأن الفنانة حنان حلت مؤخراً ضيفة ببرنامج “صاحبة السعادة”، والتي تقوم بتقديمة الفنانة والإعلامية إسعاد يونس، والتي كشفت فيه عن كواليس زواجها من الفنان سامح الصريطي، حيث قالت: “لأول مرة في حياتي كلها أقدر أعيش حالة إني أقول لنفسي أنا بحب ده وعايزه ده، وحقيقي بقيت أحب جوزي أكتر بعد ما إتجوزنا، وده علشان أنا لاقيت فيه كل الحاجات الي كنت بسمع عنها”.
