دافع مؤدي أغاني المهرجانات حمو بيكا، عن نفسه بعد الهجوم الذي تعرض له خلال الفترة القليلة الماضية، عقب تداول مقطع فيديو له ظهر فيه وهو يهدي زوجته سلسلة ذهب ضخمة.
حمو بيكا: ببقى راضي لو روحت بيتي آخر اليوم بـ 1000 أو 2000 جنيه
وقال بيكا، في تصريحات تليفزيونية منذ ساعات قليلة: “أنا جيبت لمراتي سلسلة دهب لإنها بنت ناس وأهلها مبسوطين وهي كان عندها دهبها.. الناس فاكرة إن كل حاجة عندي دهب.. سيبوا الملك للمالك”.
وأضاف: “ممكن تسعد مراتك بحاجة صغيرة.. ومراتي كان ليها ورث ادتهولي فجيبتلها بيه السلسلة.. ومش كيلو دهب زي ما الناس بتقول.. الناس فاكرين إن حياتي كلها دهب.. وقالوا إني كسيت عربيتي بالدهب.. ليه أنا معايا قد إيه!”.
وتابع: “هي شايفاني بصرف وقالت لي خدهم.. ومفيش فرق بيني وبين مراتي في حاجة المهم تكون مبسوطة.. وهي دايمًا بتطلب حاجات أون لاين وخاربة بيتي بس أنا فرحان عادي”.
واختتم حديثه قائلًا: “الناس فاكرة إن حمو بكيا معاه مليارات.. وأنا ببقى راضي لو روحت بيتي آخر اليوم بـ 1000 أو 2000 جنيه.. والحمد لله بعمل حاجات كتير مش لازم الناس تعرفها.. وفاتح بيوت كتير”.
الجدير بالذكر أن حمو بيكا، واسمه الحقيقي: محمد محمود مصطفى سيد أحمد، من مواليد 1988 بالإسكندرية.
عمل بيكا، في بداية حياته كسائق شاحنة قبل أن يتجه إلى الغناء من خلال تقديم العديد من المهرجانات مثل: “رب الكون ميزنا بميزة، وقشطة، وانتي معلمة”.
انا شايف كل مبتتنسا بتطلع بلكا جديدة هو مين دلوقتى بيجيب سيرتكو بجد غريبة