حماقي: وأنا في فرقة مصطفى قمر سرحت ومشيت لأول المسرح.. صاحبي قالي في يوم من الأيام ده هيكون مكانك

عرضت قناة “dmc” أمس الأحد، الجزء الثاني من لقاء المطرب محمد حماقي، مع الفنانة والإعلامية الكبيرة إسعاد يونس، في برنامجها “صاحبة السعادة”.

حماقي: وأنا في فرقة مصطفى قمر سرحت ومشيت لأول المسرح.. صاحبي قالي في يوم من الأيام ده هيكون مكانك

وتحدث حماقي، خلال الحلقة عن بداياته الفنية، وعمله بكورال فرقة المطرب مصطفى قمر، حيث قال: “لما دخلت كلية التربية الموسيقية اكتشفت إني مش عايز أطلع مدرس موسيقى.. وبدأت انطلق”.

وأضاف: “عملت فرقة مع أصحابي في الكلية وكنا بنغني ببلاش في أي مناسبة عشان الناس تسمعنا.. وفي سنة 95 قابلت الموزع الكبير طارق مدكور اللي سمعني واقتنع بصوتي”.

وتابع: “بدأت معاه مرحلة التجهيز وعشت عنده في الأستوديو.. لو بيعمل أغنية لعمرو دياب، أومصطفى قمر أو هشام عباس أسجل فيها.. وكانت نصيحته ليا إني أتعامل مع الميكروفون في الأستوديو لغاية ما أغني وأنا حاطط إيدي في جيبي”.

واستكمل: “انضميت لفرقة مصطفى قمر وبقينا أصحاب.. ولما كان عنده حفلة في مهرجان جرش في الأردن وقت تحضير ألبوم (لمن يهمه الأمر) طلب مني أسافر معاه ومع الفرقة”.

وأوضح حماقي، أنها كان منبهرًا خلال البروفة على مسرح مهرجان كبير بحجم جرش، حيث كان يقف لأول مرة على خشبته، مُعلقًا: “سرحت ومشيت لأول المسرح فواحد صاحبي قالي في يوم من الأيام ده هيكون مكانك”.