هاجمت الإعلامية مفيدة شيحة، الفنانة حلا شيحة التي أعلنت رغبتها في العودة للتمثيل مرة أخرى، وأثارت جدلًا كبيرًا بعد خلعها الحجاب من جديد.
مفيدة شيحة تهاجم حلا شيحة: بعد ما الجمهور بيصدقها ترجع تقول لأ مش لاعبة أصل الفن حرام
وقالت مفيدة، خلال حلقة أمس من برنامجها “الستات” الذي تقدمه برفقة الإعلامية سهير جودة، ويعرض عبر قناة “النهار”: “حلا شيحة عايزة ترجع تمثل.. حقيقي أكيد أنا هقول كانت فنانة متميزة وجميلة وأتمنى جدًا إن هي ترجع تمثل.. حقيقة الأمر حلا شيحة غلطت مرتين تعترض وتقول بعد ما الجمهور بيصدق وهو بيحبها أصلًا تقول لأ مش لاعبة الفن ده حرام”.
وأضافت: “لأ مش لاعبة.. الله هو أهم شيء وأنا سأتبع قلبي واستفتي قلبي وهي نقلت إحساس إن كل من يعمل في هذا المجال وكل الناس اللي بيحبوها إن فيه حاجة غلط.. كل الناس عارفين إن انتي موهوبة وكل الناس عارفين إن انتي بنت ناس.. وكل الناس عارفين إن انتي حد ملتزم حد طيب.. ولكن الجمهور والفنانين محتاجين إن هما يثقوا فيكي.. وعشان حد يثق في حد لازم يحسسني إن هو يقدر يواجه إن هو واخد قرار”.
وتابعت: “مشكلتك حاليًا هي إن كل الناس المحيطين بيكي على قد ما هما بيحبوكي وعلى قد ما هما حاسين إن انتي لسه ما وصلتيش لدرجة القوة إنك لما ترجعي تبقي راجعة عن اقتناع.. يا صديقتي العزيزة.. كل واحد فينا ممكن يعدي بوقت صعب.. ممكن ياخد قرارات غلط.. لكن اللي انتي عملتيه في حياتك هو مجموعة قرارات من أولها وكل الناس اللي حواليكي بيقولوا انتي غلط.. ما تضيعيش نفسك انتي عندك الموهبة.. انتي ما بتعمليش حاجة غلط.. انتي تقدري تعملي كل اللي انتي عايزة تعمليه بشكل ملتزم”.
وأختتمت حديثها قائلة: “الفكرة إنك عشان ترجعي تكسبي الثقة اللي اتني بتسعي ليها والناس فعلًا تحس إن انتي قوية لازم تبقي انتي حاسة إنك حابة نفسك الأول وحابة اللي بتعمليه ومقتنعة باللي انتي بتعمليه.. لإن انتي من غير الـ 3 حاجات دول كل الناس اللي حواليكي هيبقوا بيتكلموا في حتة وانتي بتتكلمي في حتة.. أنا هبقى مقتنعة إن حلا رجعت لما حلا تنقل لي إن هي مقتنعة باللي هي بتعمله.. إن هي مقتنعة إن هي قوية.. إن أنا أقدر أنجح لإن أنا حلا شيحة”.
