حلت الفنانة هالة أنور، ضيفة في أحدث حلقات برنامج “الستات” الذي تقدمه الإعلاميتين مفيدة شيحة، وسهير جودة، ويعرض عبر قناة “النهار”.
هالة أنور: اتخطبت وأنا عندي 16 سنة لحد من الوسط الفني وهو اللي أقنعني أبعد عن التمثيل
وكشفت هالة، خلال اللقاء الكثير من الأسرار بشأن حياتها الشخصية والفنية، وسبب ابتعادها عن الساحة الفنية لأكثر من 20 عامًا، حيث قالت: “لما خدت قرار ابتعادي عن الفن كان سني صغير أوي وكان قرار غلط”.
وأضافت: “أنا بدأت تمثيل وأنا عندي سنتين ونص.. وشاركت في أكتر من 476 عمل.. قدمت كل حاجة تمثيل وغنا واستعراض.. ووأنا عندي 16 سنة اتخطبت لحد من الوسط الفني مش هينفع أقول اسمه لإنه دلوقتي عنده زوجته وأولاده.. لكن هو اللي أقنعني إني أبعد عن التمثيل.. وبعد كام شهر انفصلنا بسبب اختلاف في وجهات النظر”.
وتابعت: “كل اللي حواليا كانوا ضد خطوبتي في الوقت ده وضد قرار إني أسيب التمثيل.. وقالولي إنتي لسه صغيرة.. ووالدتي حاولت إنها ترجعني للتمثيل تاني.. لكن أنا اتكسفت أقول إني فسخت الخطوبة وعايزة أرجع أشتغل”.
وواصلت: “اختفيت عن الساحة الفنية 20 سنة لإني مالقتش مكان.. وطبعي من وأنا صغيرة إني بتكسف جدًا فمقدرش أروح لشركات الإنتاج وأقولهم عايزة أشتغل.. لحد ما جاتلي مكالمة من ياسر جلال ابن الأصول.. وقالي إنه عايزني في مسلسل (ضل راجل)”.
تحياتي للفنانة المحترمة الخلوقة هالة قمر كنا جيران في شارع ٦بالشرابية ربنا يوفقك ويكرمك دايما