جيهان قمري عن مشهدها الشهير مع عادل إمام: هو اللي اختارني.. وفطرنا عنده في البيت في رمضان قبل التصوير
كشفت الفنانة جيهان قمري، كواليس مشهدها الشهير مع الزعيم عادل إمام، في فيلم “عمارة يعقوبيان” الذي تم عرضه عام 2006، وأثار ضجة كبيرة.
جيهان قمري عن مشهدها الشهير مع عادل إمام: هو اللي اختارني.. وفطرنا عنده في البيت في رمضان قبل التصوير
حيث قالت في تصريحات تليفزيونية: “قبلها كنا في رمضان وفطرت عند أستاذ عادل إمام في البيت.. فقالي أهو عشان تبقي عارفة بيفكني لإن أنا كنت متوترة جدًا وكل مشاهدي معاه.. وبعدين خوفوني في الأول كتير منه وبعدين لقيت إيه ده.. أستاذ عادل إزاي كده وإزاي بيقعد ويهرج”.
وأضافت: “اللوكيشن بيبقى كإنك مش في تصوير خالص.. لكن أول ما يقولوا هنشتغل.. خلاص خلصت.. فأنا قولتلهم لما اتفرجت كل الناس قالولي عملتي الدور ده إزاي قولتلهم ما أعرفش.. أنا سايبة نفسي خالص وفعلًا أنا كنت بتحرك بعينيه”.
وتابعت: “أنا كنت حاسة إن أنا بحلم.. وكانت تجربة رائعة.. مفيش مشاهد أوفر في الفيلم ليا وأنا قريت السيناريو ما كانش فيه حاجة أوفر وبعدين هو اللي اختارني.. وقالهم اسألوها الأول لو توافق”.
“عمارة يعقوبيان” هو فيلم مصري تم عرضه عام 2006، بطولة: عادل إمام، ونور الشريف، ويسرا، وهند صبري، وأحمد بدير، وخالد الصاوي، وأحمد راتب، وخالد صالح، ومحمد إمام، وسمية الخشاب، وباسم سمرة، وإسعاد يونس، عن قصة: علاء الأسواني، وسيناريو حوار: وحيد حامد، وإخراج: مروان وحيد حامد.
