حلت الفنانة انتصار، ضيفة على الإعلامية نانسي مجدي، في أحدث حلقات برنامج “القاهرة اليوم” الذي يعرض عبر قناة “اليوم”.
انتصار: لازم أخس عشان أظهر بالمايوه.. ولو مشهد فيه قُبلة أعمله عادي
وانتقدت انتصار، خلال اللقاء مصطلح السينما النظيفة ونوعية المشاهد التي اختفت من الأعمال الفنية، حيث قالت: “أفلام الستينات والسبعينيات كان فيها مايوهات وقبلات.. دلوقتي المفروض المجتمع متحضر أكتر ومتلون أكتر ودخل انترنت ودخلت تكنولوجيا والبيت بقى بالزراير دلوقتي يعني تعملي كده تفتحي الشبابيك”.
وأضافت: “إذا كان إحنا كنا في الأربعينات والخمسينات والستينات والسبعينات السينما في القاهرة اللي كانت أنضف من باريس الناس لابسة مايوه وعادي”.
وتابعت: “إذا كان المايوه ظهر في السبعينات عادي وفي الستينات عادي إيه مشكلته دلوقتي؟ لما يسيبوا كل حاجة ويمسكوا في سينما نظيفة مفيهاش مايوه.. انت متضايق من المايوه بقى؟!”.
واستكملت: “لو اتعرض عليا عمل بيتطلب أظهر بالمايوه دلوقتي لأ طبعًا لإن وزني زائد لازم أخس عشان أطلع بالمايوه.. ولو مشهد فيه قُبلة أعمله عادي.. أنا شايفة إن السبعينات دي أفلام جميلة جدًا عايزة نطور فوق منها بقى فعايزة قُبلات وعايزة مايوهات والأفلام الجميلة بتاعت الأبيض وأسود ياريت نعرف نعمل نص الأفلام دي.. لكن نسيب كل حاجة ونمسك في المايوه ونمسك في البوسة لأ إحنا كده موجهين”.
الجدير بالذكر أن الفنانة انتصار، تشارك في الموسم الرمضاني الحالي بمسلسل “ضرب نار” الذي يعرض عبر قناة “ON”.
تدور أحداث المسلسل في إطار اجتماعي شعبي حول (مهرة أبو الليل) فتاة من شبرا تعمل بأحد مصانع العبايات، وترعى أخوتها بعد وفاة والدها، تتعرف على (جابر أبو شديد) الذي يستأجر منها محل أسرتها، ويقعان في حب بعضهما ويواجهان العديد من الأزمات.
“ضرب نار” بطولة: ياسمين عبد العزيز، وأحمد العوضي، وماجد المصري، وهدى الإتربي، وسهير المرشدي، ودنيا المصري، وإسراء رخا، وأحمد غزي، وبدرية طلبة، وإيمان السيد، من تأليف: ناصر عبد الرحمن، وإخراج: مصطفى فكري.
