دينا فؤاد: ظهرلي رجل أفريقي أمام الكعبة ووضع رأسي داخل الحجر الأسود وأختفى

حلت الفنانة دينا فؤاد، ضيفة على الإعلامية ياسمين عز، مقدمة برنامج “كلام الناس” الذي يعرض عبر قناة “MBC مصر” خلال شهر رمضان الجاري.

دينا فؤاد: ظهرلي رجل أفريقي أمام الكعبة ووضع رأسي داخل الحجر الأسود وأختفى

وتحدثت دينا، خلال الحلقة عن موقف في الحج لن تنساه، قائلة: “اللي حصل ده أقسم بالله وحياة بنتي وحياة الشهر المفترج اللي إحنا فيه اللي حصل بالظبط ما فيه ملي زيادة وأكيد أنا مش هكدب في حاجة حصلتلي في الحج وأبوظ الحج بتاعي يعني.. أنا خلصت جبل عرفات خلصنا الحمد لله وخلصنا الحج ونازلين ودخلت الكعبة فداخلة الكعبة كانت فاضية مش زحمة أوي بس لطيفة يعني فداخلة بقول يارب اديني إشارة لو قبلت الحج بتاعي أنا عايزة إشارة يارب.. يارب تمطر يارب يحصل حاجة تديني إشارة إن الحج اتقبل”.

وأضافت: “وماشية في اتجاه الكعبة بقول نفسي نفسي قبل ما أسافر ألمس الحجر الأسود.. وصلت لحد الحجر ولقيت قبل بقى الكورونا مكانش فيه حواجز والكلام ده كان في حرب قدام الحجر الأسود الناس بتزق بعض واقفة عمالة أعيط دموعي نازلة مش عارفة أوقفها وباصة للحجر الأسود كده وعمالة أعيط أعيط أعيط فببص لقيت رجل أفريقي طوله مترين أسمر وواقف كده بصلي فضل باصص لي كده وفجأة والله العظيم والله العظيم راح عامل إيديه الاتنين كده وشال كل الناس اللي قدام الحجر الأسود زقهم جاتله القوة دي منين أنا ما أعرفش”.

وتابعت: “حشد فضل عامله كده وكان ورايا واحدة صاحبتي راحت زاقة راسي جوه الحجر ودعيت بالدعوة اللي أفتكرتها من كتر الرهبة وروحت مطلعة راسي راح الراجل سايب إيده وراح عاملي كده واختفى.. ما شوفتوش تاني.. والله والله ده حصل بالظبط”.

يذكر أن الفنانة دينا فؤاد، شاركت العام الماضي بـ 3 أعمال دفعة واحدة وهم فيلم “200 جنيه”، ومسلسلي “اللي مالوش كبير، وورا كل باب ج2 (حكاية ماريونيت)”.