نشرت قناة “النهار” عبر حسابها الرسمي على موقع “يوتيوب” مقطع فيديو للفنان بيومي فؤاد، خلال لقاءه مع الإعلامي عمرو الليثي، في إحدى حلقات برنامج “واحد من الناس”.
بيومي فؤاد: لو بتقارنوا ثروتي بعادل إمام فأنا كده هسدد ديون بلدي قريب
وهو المقطع الذي تحدث بيومي، خلاله عن مقارنة ثروته بالزعيم عادل إمام، حيث قال: “زعلي بيجي من نفسي تفكيركم يبقى صح.. واحد السنة اللي فاتت أو اللي قبلها قال اللي عمله بيومي فؤاد من فلوس ما عملوش عادل إمام طول عمره”.
وأضاف: “من منطلق إن عادل إمام بيعمل مسلسل واحد وبياخد كام مليون فبيومي بيعمل سبعة فضرب في الكام مليون فقولتله طب ده أنا هسدد ديون بلدي قريبًا بإذن الله”.
وتابع: “أنا جبت مكتب يا فندم وكإني أنا الممثل الوحيد اللي جاب مكتب.. جبت مكتب عشان أقرا فيها الأعمال اللي أقراها أوافق أو أرفض.. وعشان أقابل فيه حبايبي زمايلي والكلام ده مش أصول أقابلهم في البيت.. أقابل فيهم المنتج الريجيسير المؤلف الكلام ده كده مكتب.. قالوا بيومي فؤاد هينتج.. ليه؟ يعني أشمعنى أنا.. لو فتحنا الحنفية ينزل بيومي فؤاد”.
واستكمل: “في الأول كنت بتضايق شوية من كلمة انت هنا كمان.. وانت هنا كمان.. بعدين اكتشفت إن كلهم قصدهم يقولوا دي هي للضحك.. فبقيت أضحك معاهم.. يعني لما بسافر الحج يقولولي انت هنا كمان أقولهم أنا جاي أتوب.. فمابضايقش من الناس أبدًا”.
