“بعد مشاركته بـ سفاح الجيزة”.. باسم سمرة: «لو إتعرض عليا دور السفاح مكنتش هوافق لأني مش شغال علشان أبسط الناس بس»

قام الفنان باسم سمرة، بالرد على الإنتقادات التي تعرضت لها الفنانة داليا شوقي، بعد مشاركتها بمسلسل “سفاح الجيزة”، وعبر عن حزنه الشديد من رأي الجمهور بأن شخصية السفاح كانت هى الأنسب له عن الدور الذي قام به، وهو دور الضابط الذي قدمه خلال العمل.

وأكد الفنان، خلال تصريحاته مع القاهرة 24: “مش عارف مبرر الناس إيه في الهجوم على الفنانة داليا شوقي، وبكده هى فنانة شاطرة وعاملة شغل حلو، وإن شاء الله هتكون من أفضل الفنانات الفترة اللي جايه، ولكن للأسف الناس مستعجلة وبتبني أحكام على مفيش، وحقيقي في هجوم مش لاقي له تبرير”.

وواصل باسم: “وفي ناس كتيرة قالت ليا إنت معملتش دور السفاح ليه؟، وكأنهم هما اللي بيختاروا ومفيش مخرج ومؤلف، ولو الدور ده كان إتعرض عليا من الأول مكنتش هوافق، وده علشان الدور مش مناسب ليا بعد ما كنت بعمل دور شعبي في (بابا المجال)، وبعدها على طول مش هينفع أعمل حاجة في نفس السكة، وده بخلاف إني كنت عاوز أقدم حاجة مختلفة واستمتع بيه، وأنا مش شغال بس علشان أبسط الناس وخلاص”.

وتحدث الفنان باسم سمرة أيضاً، عن المجهود الكبير المبذول بالعمل بالرغم من أنه يتكون من 8 حلقات، موضحاً: “بجد الإخراج حاجة مفيش بعد كده.. على أعلى مستوى وكمان طاقم العمل، وأغلب المشاهد اللي اتعملت كانت بالخارج، وبجد دي حاجة صعبة جداً”.

وجديراً بالذكر، بأن مسلسل “سفاح الجيزة” مأخوذ عن قصة حقيقية، وقام ببطولته مجموعة كبيرة من نجوم الفن أبرزهم “أحمد فهمي، وباسم سمرة، وركين سعد، وداليا شوقي، وحنان يوسف، وجيهان الشماشرجي، وهايدي خالد، وصلاح عبدالله، وإنجي أبو السعود”، وغيرهم الكثير، وحقق المسلسل رد فعل ونجاح كبير.