قامت الفنانة بسمة بوسيل، بالرد على تصريحات الفنان تامر حسني الأخيرة، والتي أكد فيها على عدم ربط أغانيه بحياته الشخصية وتوجيهها لأي شخص آخر.
"يا تيمو أكيد إنت عندي زي ما أنا عندك".. بسمة بوسيل ترد على تصريحات تامر حسني الأخيرة
وقامت بسمة، بكتابة منشور عبر خاصية القصص خلال حسابها الرسمي على موقع التواصل الإجتماعي “انستجرام”،:ـ “يا تيمو إنت أكيد عندي زي ما أنا عندك، وحقيقي بتمنى ليك التوفيق والنجاح فيما هو قادم”.
ومن جانبه، فإن الفنان تامر حسني كتب مؤخراً منشور عبر حسابه الرسمي على موقع “انستجرام”، حيث قال:ـ “شايف بعض التعليقات كل لما أنزل موضوع أغنية أو حتى هزار معاكم، واللي أكيد كتير من الناس بيربطوا الموضوع بحياتي الشخصية، وعلى فكرة كده غلط يا جماعة.. مش أنا اللي ممكن أفكر في كده ولا عمري أعمل كده”.
وواصل:ـ “وبرغم الظروف الحالية اللي بمر بيها، إلا إني بكن كل تقدير واحترام لشخص بسمة، وده غير إنها كانت بتشاركني في إختيار كتير من الأغاني اللي قدمتها، ومهما حصل بينا فهى في دمي وأم اولادي، وبجد علاقتنا ببعض كويسة أوي دلوقتي، والأكيد إنها لو طلبت مني عيني مش هتأخر عليها أبداً”.
وأضاف تامر:ـ “وتاني حاجة إنتوا عارفين إني بحب أهزر معاكم على طول من يوم طلوعي، ولو في نكتة حلوة أو أغنية أو إفيه حضر في دماغي بتلاقوني على طبيعتي معاكم، وتالت حاجة إن الفنان منا لازم يعبر عن مشاعر كل الناس في مختلف حالاتهم، وده بمعني إني بكون سعيد لما بلاقي الناس بتغني أغانيا والإحساس اللي أنا عاوزه وصلكم، وده علشان أنا بتعب كتير في شغلي وبكتب الكلام اللي نفسكم تقولوه”.
وأنهى الفنان حديثه مازحاً:ـ “لأ ولسه في أغاني كتيرة توجع أوي، وإن شاء الله هتنزل قريباً، ولكن بعد اللي إنتوا بتعملوه مش هنزلها خلاص كفاية لحد كده”.
