أحمد ماهر: «المشاهد الجريئة والقبلات مفيهاش حرمانية والفنان اللي مش عاجبه يروح يشتغل في الأزهر أحسن»

تحدث الفنان أحمد ماهر، عن رأية بمشاهد القبلات والمشاهد الجريئة في الأعمال الفنية، وأشار بأنه يرى من وجهة نظره بأنها ليس بها حرمانية، واستنكر رأي بعض الفنانين بخصوص رفضهم تقديم مثل هذه المشاهد بالأعمال الفنية.

أحمد ماهر: «المشاهد الجريئة والقبلات مفيهاش حرمانية والفنان اللي مش عاجبه يروح يشتغل في الأزهر أحسن»

وأكد الفنان، خلال تصريحات له مع القاهرة 24:ـ “القبلات والمشاهد الجريئة أمر طبيعي.. يعني ألغي القبلة وأكتب ولا أعمل إيه بالظبط؟، ومش مهم خلي اللي يقول يقول.. الناس اللي بتقول مش فاهمة حاجة، والفن في حد ذاته قيمة، والمُشاهد لو مش عاجبه المشهد يقوم ويبعد عنه.. ليه بتعترض مؤهلك وتخصصك إيه؟، وده علشان ربنا بيقول لولا دفع الناس بعضهم ببعض لفسدت الأرض، وده معناه إن كل شخص فينا له تخصص، ولكن اللي بيقول إنه فاهم في كل حاجة.. يبقى إحنا عايشين في مفسدة”.

وواصل أحمد ماهر:ـ “ولو في مشهد بين واحد مع مراته أو شخص وعاهرة.. المشهد المفروض يترجم إزاي؟، ولو معملتش كده هل الجمهور مش هيتفرج على أعمال أجنبية واللي بيكون فيها مشاهد أفظع من كده، ومش عارف الكل بينتقد ليه؟.. إحنا أولياء أمور ومش شايفين حرمانية في كده نهائي، وبجد الفنان اللي بيقول ممنوع التلامس والمشاهد الجريئة يروح يشتغل في الأزهر أحسن له”.

وجديراً بالذكر، بأن الفنان أحمد ماهر كشف مؤخراً، خلال تصريحاته مع القاهرة 24، عن سبب غيابه عن السينما لعدة سنوات، وأكد بأن وضع السينما في الوقت الحالي لا يُرضيه، وأن الكثير من الأعمال السينمائية التي تُعرض حالياً غير مهمة، حيث قال:ـ “لو فكرت أشارك في الأعمال الفنية اللي بتتعرض عليا دلوقتي ههدم تاريخي الفني بالكامل”.

وتابع الفنان كاشفاً عن رأية بالسينما:ـ “أصبح إيقاعها مكسور، وحقيقي السيناريوهات اللي بتقدم حالياً أقرب إلى ما تكون بالفيديو كليب، وأبعد ما تكون عن الأحداث السينمائية والتي تحمل في مضمونها العبرة والإثارة والدروس والحدوته والتشويق”.