“كانت سبب مراحل كتير بـ حياتي”.. أحمد حلمي عن منى زكي: «البلورة اللي أنا عايش فيها وبشوف نفسي من خلالها»

كشف الفنان المعروف أحمد حلمي، كواليس من حياته الشخصية والفنية وتحدث عن زوجته الفنانة منى زكي، واصفاً إياها بـ “البلورة” التي يرى نفسه فيها، على حسب ما قاله.

وأكد الفنان، أثناء استضافته ببرنامج “AB talks”، والذي يقوم بتقديمة الإعلامي أنس بوخش، مشيراً: “حكايتي مع الفنانة منى زكي حكاية مجنونة جداً بكل تفاصيلها، وعلى طول الناس لما بتحاول تغير في بعض مش بيكملوا وبينفجروا بس، ولكننا لما اكتشفنا إننا غيرنا في بعض التغيير ده طلع صحي، وإتضح لينا إن التغيير مكنش في حاجة مهمة أوي، وكان في حاجة مُعطلة وبس”.

وواصل أحمد حلمي: “منى زوجتي كانت السبب في مراحل كتير بحياتي، وده على المستوى الشخصي والمهني وهى ليها يد كبير في إني أكون أحمد حلمي، وبجد وراء كل رجل عظيم إمرأة أفضل منه، وحقيقي منى عندها كمية صدق كبيرة جداً، وده في عالم يغلب عليه المجاملات، فإزاي تكون شخص صادق مع نفسك ومع الآخرين؟، وإنك تكون مش بتجامل وتقول الحقيقة على طول بس بصورة كويسة، والصفة دي موجودة عندها وأنا اتعلمتها منها”.

وتابع الفنان: “ودايماً الناس بتقول إن الراجل هو السند، ولكن أنا بضيف وأقول إن الست هى كمان سند مهم وأساسي في الحياة، ولما كنت بقول إن الراجل ضروري يفهم لغة الست وهى تفهم لغته، فده علشان كل واحد يكون سند حقيقي للتاني، ومنى بالنسبة ليا البلورة اللي أنا عايش فيها وبشوف نفسي من خلالها”.

وجديراً بالذكر، بأن الفنان أحمد حلمي شارك ببطولة مسرحية “ميمو”، وحقق نجاحاً كبيراً، وشاركه البطولة كلاً من “أحمد رزق، وهنا الزاهد، وهنا شيحة”، وغيرهم الكثير من نجوم الفن، والعمل تأليف ضياء محمد وإخراج هشام عطوة.