نشر الفنان أحمد الفيشاوي، عبر حسابه الرسمي على موقع تبادل الصور والفيديوهات “انستجرام” مقطع فيديو له أثناء أداء مناسك العمرة.
بالفيديو | أحمد الفيشاوي يؤدي مناسك العمرة لوالده.. والجمهور: بني آدم جواه نضيف
وهو الفيديو الذي وثق من خلاله الفيشاوي، لقطات من أدائه مناسك العمرة لوالده، وعلق عليه قائلًا: “معتمرًا لأبي المرحوم الأستاذ الفنان الكبير فاروق الفيشاوي.. يارب تقبلها مني وتوصل له.. الحمد لله”.
وتباينت آراء متابعي أحمد الفيشاوي، حول الفيديو الذي ظهر فيه بملابس الإحرام التي تكشف عن جسده الملي بالوشم، حيث جاءت التعليقات كالآتي: “انا مش بضايقك ولا بنتقدك علشان اضايقك بالعكس انت من الفنانين المحببين جدا الي قلبي يمكن علشان طويل زيي لكن مع فرق التشبيه طبعا تخيل اني في فرصة انك تقابل الفنان الكبير الله يرحمة وقالك عاوز تلبس البدلة الفلانية اللي انا كنت شاريها لك ياترى ساعتها ممكن تحطها في الطين مثلا وتلبسها وتروح تقابله ؟!ربنا سبحانه وتعالي خلقنا في احسن صورة خلق أجسادنا بدون زخارف ورسومات ووشومات ،،، بجد ماتضايقش مني بس جسدك منظره مقزز جدا بالنسبة للبشر العاديين فنا بالك بصانع الجسد عندما يرى صعنته وقد شوهت ؟! فكر فيها بصدر رحب وتاني اوعي تضايق أو تزعل لو ضامن انك هتقراء الانبوكس كنت بعت هذا النقد في رساله، ربما يتقبل منك ويرحم والدك”، و”بني ادم جواه نضيييييف ربنا يتقبل منك ويهديك ويثبتك”، و”ربنا يردك اليه ردا جميلا”، و”كمان شوفت على التيك توك ناس أجانب دخلوا الاسلام حديثا وجسمهم موشوم آكتر من احمد وعاملين في عينهم حاجات مرعبة وبرضه تابوا توبة نصوحة وربنا يتقبل منهم… الدين يسر وليس عسر وربنا إللي بيحاسب الناس مش إحنا… ربنا يتقبل منه ومنا جميعا”، و”ربنا يهديك يا رب غفر الله لك ولكل المسلمين والمسلمات والمؤمنين والمؤمنات الي يوم الدين”، و”ربنا يهديه والله لعل ربنا عالم بقلبه انه سليم ويغفر له خطاياه هو اللي بيهاجموه دول سالمين من الخطايا يعني”، و”ربنا يتقبل منك”، و”انت من جوا صافي ونقي”، و”ربنا يتقبل يا أحمد ويرحم الوالد وينر قبره.. وياما نفسي بس تشيل الوشم ده لإنه فعلاً شكله مقزز.. وإنت إنسان راقي وجميل وفنان جامد جداً”، و”رحمة الله عليه فاروق الفيشاوي”، و”ارجو من الجميع عدم التنمر والانتقاد ربنا وحده له الحق في حساب العبد ولعله اقرب الي الله منا وقد صح أن الرسول ﷺ عن الله -جل وعلا- أنه قال: إذا أذنب عبدي ذنبًا، ثم تاب إلي؛ غفرت له وهكذا لو عاد، كل من عاد، وتاب إلى الله توبة صادقة؛ غفر الله له، نعم. المقدم: جزاكم الله خيرًا”.
