مفاجأة.. باسم يوسف ينشر أغنية تنتقد السيسي منذ عامين من الحلقة التي لم تعرض من (برنامج البرنامج )
نشر الإعلامي الساخر الدكتور باسم يوسف مقطع فيديو على حسابه الرسمي بموقع التواصل الاجتماعي “فيسبوك” تسخر، وتوجه الانتقاد إلى الرئيس عبد الفتاح السيسي منذ عامين من الحلقة التي لم تعرض من برنامج البرنامج.
مفاجأة.. باسم يوسف ينشر أغنية تنتقد السيسي منذ عامين من الحلقة التي لم تعرض من (برنامج البرنامج)
وقال في التعليق الذي كتبه على الأغنية: ” الاغنية دي عملناها للسيسي وكان المفروض تبقى ف يالحلقة اللي ما رجعناش فيها من أكتر من سنتين لما البرنامج اتلغى، كنا بنعمل بروفاتنا عادي والمكان اللي اتصورت فيه البروفة كان فوق مسرح راديو “.
وأضاف: ” دي ليلة اذاعة الحلقة قبل ما يجيلنا قرار الايقاف. لو تفتكروا كان انتخابات الرئاسة ولقاءات السيسي مع الاعلام شغالة. وكان كل لما حد يسأله يقوله “ده امن قومي” “ما تسألش” “مافيش” ” هو كده” “مافيش برنامج” “تقشفوا “تقشفوا” وطبعًا ” حتشوفوا مصر بعدي سنتين وتتعجبوا” وفعلًا صدق في كل كلمة”.
وتابع باسم يوسف: “وفعلًا بقينا نتعجب ونلطم. المهم الاغنية دي اللي فاضلة من ريحة البرنامج. اخر حاجة غنيتها بصوتي الوحش. الاغنية دي يمكن دلوقتي ما تبقاش حراقة قوي لأن بلحة بقى مهزأ أصلًا والهالة المقدسة اللي حواليه ما عدتش موجودة بعدما أثبت فشله وغباؤه بل وجنونه. بس ساعتها لو تفتكروا ايام الرقص قدام اللجن ومانشيتات من نوعية (السيسي المسيح المخلص)، والهيستريا الي كانت موجودة.”.
وأنهى التعليق قائلًا: ” الحلقة دي كانت مكتوبة حلو بصراحة، وكنا متأكدين واحنا بنكتبها انها مش ممكن تعدي، المهم ريحونا وريحوا نفسهم والحلقة اتمنعت وما اتذاعتش واللي بقى منها بروفة بسيطة “.
وبعد دقائق من نشر مقطع الفيديو، حذفه مرة أخرى باسم يوسف خوفًا من أن يصاب أحد بأذى من الأشخاص الذين ظهروا في الفيديو. ولم يتسن لموقع “نجوم مصرية ” تحميل الفيديو ونشره.
