طلبت الفنانة الراقصة صافينار أثناء مداخلة هاتفية أجرتها في برنامج “تحت السقف” المذاع عبر فضائية Ltc من الناس الوقوف جنبها لمساندة أهل “ترب الغفير”.
قالت ” كان أحسن إحساس في حياتي وكنت فرحانة أكتر ما كنت بطلع في الحفلات، وكنت حاسة نفسي في حلم ومش مصدقة اللي شوفته، ومأكلتش بقالي 24 ساعة من المنظر اللي شوفته”.
وأضافت أيضا” مابيطلعوش من دماغي، وأنا بفكر أعمل لهم ايه طب هاكلم مين ومين الناس اللي هاتقف جنبي وهاجيبلهم مين شقة وفي أي حتة هاتكون الشقة دي عشان الناس الغلبانة والأطفال طبعاً”.
وأكدت أيضا” أن ده مش مكان الأطفال تقعد فيه، ولا حتى بني أدم يقعد فيه إزاي ناس عايشين حياتهم جنب الأموات، وطول عمري كنت خايفة أعدي في مكان زي ده”.
وأوضحت أيضا” وأنا لمه عرفت أن في أطفال، وماكنش ينفع أنزل ليهم من غير شكولاتات وحلويات ألعاب والحاجات دي، وأنا لمه نزلت هناك الناس كلها خوفوني، حتى الناس اللي معايا ماكنوش عايزين يجوا وكان عايزين يروحوا”.
وأشارت أيضا”. انا لمه بعمل عيد ميلاد كل صحابي بيجوا، لكن لمه قولتهم أن رايحة هناك خوفوني وقالوا هاتروحي ومش هاترجعي، وجيت أطلبت منهم ثاني منهم اللي كان نايم واللي كان قافل تليفونه واللي كان عنده شغل يعني في اللحظه دي جتلهم حاجات مهمة”.
وأوضحت أيضا”الناس هناك طيبين وكل اللي بيخوني المكان لكن هما طيبين جداً، وناس قالولي ماتروحيش هناك د احنا مصريين وبنخاف، أنتي هايعملوا فيكي ايه، وكنت متأكدة أن الناس مش هاتعمل حاجة؛ لاني نازلة بالحب”.
وأضافت ” دي أول مرة اعمل فيها خير ومش آخر مرة، والناس هناك كانوا حابين وجودي حتى لو ماكنتش هاسعدهم، وقالولي تبفي اسألي علينا”.
وفي حوار مع الناس قالت” طبعاً أنا نفسي أحل للناس كلها المشاكل اللي عندها، عشان كده أحنا حابين نوصل للناس المحتاجة، وكان نفسي أشوفكوا من زمان وفرصة كبيرة إني شوفتكوا”.
وأضافت ” أحنا بنصور عشان عايزين الناس تشوفنا وتيجي تساعدنا، وأنا لواحدي مش هاقدر أعمل حاجة وهاحتاج لفلوس كتيرة، وهاحتجهم يقفوا جنبي ويقفوا جنبكوا وبنصور عشان نقول لناس يقفوا معنا، وأنا لواحدي مش حاجة وإن شاء الله طبعا الناس اللي عندهم قلب وإحساس ها يحسوا بالناس الموجودين هنا”.
وأكدت أيضا” إن شاء الله هانلم تبرعات وأنا لواحدي مش هاعرف اعمل حاجة، ومحتاجين ناس كتيرة تشيل معانا والناس اللي عندهم قلب وإحساس طبعاً، ها يخسوا بالناس الموجودين هنا وهايحسوا بالأطفال أكيد وإن شاء الله في وقت قريب هانوفرلكوا الحاجات اللي عايزنها”.
