كشفت الفنانة حورية فرغلي، عن ذكرياتها مع خطيبها الراحل، الذي أحبته بشكل كبير ولم تنساه حتى الآن بالرغم من مرور 21 عامًا، قائلة: “خطيبي اللي توفى كان وزنه 175 كيلو، وكان عنده مشكلة في رجله الشمال وكان بيعرج، لكن في عيني كان أحلى وأحسن راجل في الدنيا”.
حورية فرغلي أثناء لقائها مع تامر شلتوت - مصدر الصورة: لقطة شاشة بواسطة نجوم مصرية
وأضافت “فرغلي” خلال لقائها ببرنامج “in deeb في العمق”، مع الإعلامي تامر شلتوت: قائلة: “أنا وخطيبي كنا قد بعض في السن، وشُفت الحب مرة واحدة في حياتي سنة 2002، مع خطيبي اللي توفى، ومن بعده محبتش حد تاني رغم مرور 21 سنة، ورغم مرضه الناس كلها كانت بتقولي إيه الجنان ده، لكن مكنتش ببص لكلامهم ولا لشكله بصيت لقلبه الحنين وبس، كفاية إني سامعة صوته، كفاية وجوده في المكان ريحة برفانه، من ساعة ما مات وأنا مش لاقية حد غيره ومحبتش حد غيره”.
وتابعت: “قضينا سنتين سوا عمرنا ما اتخانقنا فيهم ولا مرة، وكنت كل ما أطلع الاولى في الفروسية أروح البيت ألاقيه جايب لي تورتة كبيرة عليها صورتي ولعب، بدور على حبه مش لاقية، ساعات بقول لنفسي أنا شُفت الحب ده كله ليه لما في الآخر هيتاخد مني، استغفر الله العظيم مش قصدي أقول كدة، لكن ربنا اللي عايز كدة”.
