تصريحات نارية من حمو بيكا: دعيت على هاني شاكر.. حسن شاكوش مغرور.. وعمر كمال ما بيعرفش يغني

قرر مطرب المهرجانات الشهير حمو بيكا فتح النيران على الجميع من خلال تصريحاته في حواره عبر برنامج العرافة المُذاع على قناتي المحور والنهار وتقدمه الإعلامية بسمة وهبة.

دعيت على هاني شاكر لأني مظلوم

قال  حمو بيكا مطرب المهرجانات الشهير إن الفنان هاني شاكر عندما كان نقيبا للموسيقيين كان سببًا في بقائي بالمنزل لمدة عامين دون عمل.. “قعدني في البيت سنتين بدون شغل”.

وأضاف حمو بيكا قائلًا: اللي عمله معايا هاني شاكر ظلم وافتراء وتم إيقافي في توقيت السماح لكل مطربي المهرجانات بالعمل، ودعيت عليه لإني كنت مظلوم وربنا جابلي حقي، وعدت للعمل مرة أخرى.

محدش ساعدني في مشواري الفني

قال مطرب المهرجانات الشهير حمو بيكا إنه لم يساعده أحد في بداية مشواره الفني، بل هو من ساعد الآخرين وجميع المتواجدين على ساحة المهرجانات الآن.

حسن شاكوش مغرور ومتكبر وأنا المدرسة اللي طلعته

ووصف حمو بيكا، المطرب الشعبي حسن شاكوش بـ “المغرور والمتكبر” وذلك ردًا على تصريحات الأخير عنه، قائلا: “شاكوش بتكبر على الناس وأنا لما أكون غلبان أحسن ما أكون شراني، مفيش حد يعرف يسوقني في الحياة، وأنا لما بعمل حاجة بعملها من دماغي ومفيش حد بيقولي اعمل ايه، محدش ساعدني في مشواري الفني وانا المدرسة اللي طلعت حسن شاكوش “.

وتابع بيكا قائلًا: صديق لي رشحلي حسن شاكوش عشان يغني مهرجان معايا ومكنتش اعرف حسن شاكوش مطلقا، لكن حظي وحش في أصدقائي وبيستغلوا الطيبة بتاعتي، وأنا بساعدهم وبقف جنبهم وفي الأخر بيبعوني.

عمر كمال صوته مش حلو وما بيعرفش يغني

شنّ حمو بيكا مطرب المهرجانات الشهير هجومًا على أصدقائه حسن شاكوش وعمر كمال عبر برنامج العرافة، قائلًا: أنا ساعدت حسن شاكوش وعمر كمال في مشوارهم الفني، وعمر كمال ده كان بياخد 400 جنيه ودلوقتي بياخد في الأوردر حوالي 50 ألف جنيه، مضيفًأ: عمر كمال مش بيعرف يغني وصوته مش حلو.

حضرت فرح شاكوش من البداية للنهاية وبيقول الناس جاملته وهو صارف 4 مليون و200 ألف

قال  مطرب المهرجانات حمو بيكا، إنه حضر فرح حسن شاكوش من البداية للنهاية، مشيرًا إلى تصريحات شاكوش قائلًا: حسن شاكوش بيقول الناس كلها جاملته ومحدش خد فلوس بس الله أعلم، بس لو كل الناس مخدتش فلوس أومال صرف الـ 4 مليون و200 الف على إيه في الفرح.