“بعد مُقارنة محمد رمضان بالعندليب”.. ابن شقيق عبدالحليم حافظ يرد: «شريف خير الله خانه التعبير والعندليب كان له شخصيته الفريدة اللي من الصعب إنها تتكرر»
قام محمد شبانة ابن شقيق الفنان الراحل عبدالحليم حافظ، بالرد على الفنان شريف خير الله، بعد تصريحاته الأخيرة التي أدلى بها، والتي قارن فيها بين العندليب والفنان محمد رمضان.
وأكد ابن شقيق الراحل، خلال مداخلة هاتفية مع الإعلامية نهال طايل، والتي تقوم بتقديم برنامج “تفاصيل”، والمُذاع عبر فضائية “صدى البلد 2”: “مش صح إن حد يتكلم عن الراحل كأنه يعرفه وعاش معاه وعارف هيعمل إيه في المستقبل، والفنان عبدالحليم حافظ له ذوقه الخاص ومنهجه في الحياة، وكمان له ثقافته وشخصيته الفريدة اللي صعب إنها تتكرر”.
وواصل شبانة: “عبدالحليم حافظ كان بيطور من نفسه لحد ما مات، وده اللي خلاه زي ما هو عبدالحليم حافظ، ومش ممكن حد يقارن نفسه بيه أو حتى حد يشبه بشخص آخر، ومحمد رمضان فنان له كل إحترام وتقدير وفنان جميل جداً، وأنا أهديته كرافات خاص بالراحل، وده بعد دوره الرائع في مسلسل (ابن حلال)”.
وأضاف محمد: “حتى ولو سألنا الفنان محمد رمضان، مش مُعتقد إنه ممكن يقول كلام زي ده، وكل اللي أقدر أقوله إن الفنان شريف خير الله خانه التعبير شوية”.
ومن جانبه، فقد قام الفنان شريف خير الله بالإشادة بموهبة الفنان محمد رمضان، أثناء استضافته ببرنامج “تفاصيل”، موضحاً: “محمد رمضان ربنا صارف له القبول، وده بعيد عن إن في ناس بتقول وبتعيد عنه، وأنا كان ليا عتاب بسيط عنده في بعض الحاجات اللي بيعملها، ولكن ده لا يتعلق بشخصيته كـ فنان ذو قيمة كبيرة”.
وتابع شريف خير الله: “ولو الفنان الراحل عبدالحليم حافظ عايش لحد دلوقتي، كان ممكن أوي يعمل إيقاع من خلال الفنان محمد رمضان، أو ممكن يلبس ملابس زيه.. حقيقي ده عصره”.
